ಗಂಡಗಂಡರ ಎದೆಯ ಮೆಟ್ಟಿ ನಡೆವರುಂಟೆ ?
ಗಂಡಗಂಡರ ಚಲ್ಲಣವ ಮಾಡಿ ಉಟ್ಟವರುಂಟೆ ?
ಗಂಡಗಂಡರ ಚರ್ಮವ ಹೊದ್ದವರುಂಟೆ ?
ಗಂಡಗಂಡರ ತೊಟ್ಟವರುಂಟೆ ?
ಗಂಡಗಂಡರ ತುರುಬಿದವರುಂಟೆ ?
ಗಂಡಗಂಡರ ಭಸ್ಮವಮಾಡಿ ಹೂಸಿದವರುಂಟೆ ?
ಗಂಡಗಂಡರಿಗೆ ಗಂಡನ ಕಣ್ಣು ಕಾಲಲ್ಲದೆ.
ಗಂಡಗಂಡರಿಗೆ ಗಂಡನ ಶಿರ ಕರದಲ್ಲದೆ.
ಗಂಡುವೇಷವೆಂಬುದು ನಿಮ್ಮ ಶಕ್ತಿರೂಪು.
ಗಂಡರಿಗೆ ಗಂಡನು ನಡೆಯಿತ್ತೆ ಬಟ್ಟೆ
ಎಂಬುದು ನಿಮಗೆ ಸಂದಿತ್ತು.
ಶಂಭುಜಕ್ಕೇಶ್ವರ ಶರಣ ಜಗದೊಳಗೊಬ್ಬನೆ ಗಂಡನು.
Transliteration Gaṇḍagaṇḍara edeya meṭṭi naḍevaruṇṭe?
Gaṇḍagaṇḍara callaṇava māḍi uṭṭavaruṇṭe?
Gaṇḍagaṇḍara carmava hoddavaruṇṭe?
Gaṇḍagaṇḍara toṭṭavaruṇṭe?
Gaṇḍagaṇḍara turubidavaruṇṭe?
Gaṇḍagaṇḍara bhasmavamāḍi hūsidavaruṇṭe?
Gaṇḍagaṇḍarige gaṇḍana kaṇṇu kālallade.
Gaṇḍagaṇḍarige gaṇḍana śira karadallade.
Gaṇḍuvēṣavembudu nim'ma śaktirūpu.
Gaṇḍarige gaṇḍanu naḍeyitte baṭṭe
embudu nimage sandittu.
Śambhujakkēśvara śaraṇa jagadoḷagobbane gaṇḍanu.
