ಒಳಗೊಂದು ಗಾಲಿ, ಹೊರಗೊಂದು ಗಾಲಿ
ಎರಡಕ್ಕೆ ಹೂಡಿದುದೊಂದು ಹರಿಯಚ್ಚು,
ಮೇಲೆ ಹಾಸಿದ ನೀಳ ಚೌಕದ ಕುರುಗುಣಿಯ ಕೊಂಬಿಂಗೆ ಈಚೆರಡು.
ಏಳು ಹುರಿಯ ಬಲುಮಿಣಿಯಿಂ ಆಳವನಿಕ್ಕಿದ ಕಾಮನ ನೊಗ.
ಅರೆತ್ತು ಹೂಡಿ, ಹಾಸು ದಡಿಕೆ ಒಂದು, ಮೇಲು ದಡಿಕೆ ಎರಡು,
ಒಂದು ದೊಡ್ಡದು, ಒಂದು ಚಿಕ್ಕದು, ಒಂದುರೆ ಚಿಕ್ಕದು,
ಬಂಡಿಯ ಮೇಲೊಬ್ಬ ಮೊದಲೆತ್ತ ಹೊಡೆವ,
ತಲೆಯಾರು ನಡುವಣಾರು ಹೊಡೆವರಿಬ್ಬರು.
ಬಂಡಿ ನಡೆವ ಬಟ್ಟೆಯಯ್ದು, ತುಂಬಿದ ಭಂಡವೈದು,
ಐದು ಬಟ್ಟೆಯಂ ತಪ್ಪಿಸಿ ಆರು ಬಟ್ಟೆಯಲಿ ನಡೆಸಿ,
ಹೇರಿದ ಭಂಡವನೊಡೆಯಂಗೊಪ್ಪಿಸಲರಿಯದೆ,
ಎಡೆಯ ಕಡಿದು ಭುಂಜಿಸಿ ಒಡೆಯಂಗೆ ದೂರಾಗಿ,
ಬಹುಮುಖದ ದಂಡಣೆಗೊಳಗಾಗಿ ಬಹಳ ಮುಖದಲ್ಲಿ ಬಂದು,
ಹೇರಡವಿಯ ಕಗ್ಗತ್ತಲಲ್ಲಿ ತೊಳಲಿ ಭ್ರಮಿಸುವ ಹೊಲಬರಿಯದೆ
ಹೊಲಬುಗೆಟ್ಟ ಮಲಮಾಯಾಧಿಕರು
ನಿಮ್ಮನೆತ್ತ ಬಲ್ಲರಯ್ಯಾ, ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ?
Transliteration Oḷagondu gāli, horagondu gāli
eraḍakke hūḍidudondu hariyaccu,
mēle hāsida nīḷa caukada kuruguṇiya kombiṅge īceraḍu.
Ēḷu huriya balumiṇiyiṁ āḷavanikkida kāmana noga.
Arettu hūḍi, hāsu daḍike ondu, mēlu daḍike eraḍu,
ondu doḍḍadu, ondu cikkadu, ondure cikkadu,
baṇḍiya mēlobba modaletta hoḍeva,
taleyāru naḍuvaṇāru hoḍevaribbaru.
Baṇḍi naḍeva baṭṭeyaydu, tumbida bhaṇḍavaidu,
aidu baṭṭeyaṁ tappisi āru baṭṭeyali naḍesi,
Hērida bhaṇḍavanoḍeyaṅgoppisalariyade,
eḍeya kaḍidu bhun̄jisi oḍeyaṅge dūrāgi,
bahumukhada daṇḍaṇegoḷagāgi bahaḷa mukhadalli bandu,
hēraḍaviya kaggattalalli toḷali bhramisuva holabariyade
holabugeṭṭa malamāyādhikaru
nim'manetta ballarayyā, uriliṅgapeddipriya viśvēśvarā?
