ಉರಿಲಿಂಗಪೆದ್ದಿ   
  •  
  •  
  •  
  •  


Index   ವಚನ - 111    Search  
 
ಗುರುಸ್ವರೂಪನಾಗಿ ಮಹಾಸ್ಥಾನದಲ್ಲಿರುತ್ತಿದ್ದೆ, ಲಿಂಗಸ್ವರೂಪನಾಗಿ ಭ್ರೂಮಧ್ಯದಲ್ಲಿರುತ್ತಿದ್ದೆ, ಜಂಗಮಸ್ವರೂಪನಾಗಿ ಹೃದಯಕಮಲಮಧ್ಯದಲ್ಲಿರುತ್ತಿದ್ದೆ, ಈ ಪರಿಯಲ್ಲಿ ಅಂತರಂಗದಲ್ಲಿ ಭರಿತನಾಗಿದ್ದೆಯಯ್ಯಾ. ಬಹಿರಂಗದಲ್ಲಿ, ಶ್ರೀಗುರುಲಿಂಗವಾಗಿ ದೀಕ್ಷಿಸಿ ರಕ್ಷಿಸಿದೆ, ಶಿವಲಿಂಗವಾಗಿ ಕರಸ್ಥಲದಲ್ಲಿ ಪೂಜೆಗೊಂಡು ರಕ್ಷಿಸಿದೆ, ಜಂಗಮಲಿಂಗವಾಗಿ ಅವಗುಣಂಗಳೆಲ್ಲವನೂ ಕಳೆದು ಶಿಕ್ಷಿಸಿ ರಕ್ಷಿಸಿದೆ. ಇಂತೀ ತ್ರಿವಿಧವು ಒಂದೇ ರೂಪಾಗಿ, ಎನ್ನ ಅಂತರಂಗಬಹಿರಂಗಭರಿತನಾಗಿ ಪ್ರಸಾದವ ಕರುಣಿಸಿ ಮುಕ್ತನ ಮಾಡಿದೆಯಯ್ಯಾ ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Transliteration Gurusvarūpanāgi mahāsthānadalliruttidde, liṅgasvarūpanāgi bhrūmadhyadalliruttidde, jaṅgamasvarūpanāgi hr̥dayakamalamadhyadalliruttidde, ī pariyalli antaraṅgadalli bharitanāgiddeyayyā. Bahiraṅgadalli, śrīguruliṅgavāgi dīkṣisi rakṣiside, śivaliṅgavāgi karasthaladalli pūjegoṇḍu rakṣiside, jaṅgamaliṅgavāgi avaguṇaṅgaḷellavanū kaḷedu śikṣisi rakṣiside. Intī trividhavu ondē rūpāgi, enna antaraṅgabahiraṅgabharitanāgi prasādava karuṇisi muktana māḍideyayyā uriliṅgapeddipriya viśvēśvarā.