ಕಾಯದ ಸಂಗದಿಂದ ಆತ್ಮನು ಭವಕ್ಕೆ ಬಪ್ಪುದೊ?
ಆತ್ಮನ ಸಂಗದಿಂದ ಕಾಯ ಲಯಕ್ಕೊಳಗಪ್ಪುದೊ?
ಕಾಯ ಜೀವದಿಂದಳಿವೊ? ಜೀವ ಕಾಯದಿಂದಳಿವೋ?
ಅಲ್ಲ, ಉಭಯವೂ ಏಕಸ್ಥದಿಂದ ಪ್ರಳಯವೋ?
ಎಂಬುದ ಅಂತಸ್ಥದಿಂದ ತಿಳಿದು,
ಕಾಯಕ್ಕೂ ಜೀವಕ್ಕೂ ಭೇದವುಂಟೆಂದಡೆ, ಒಂದಬಿಟ್ಟೊಂದು ಇರದು.
ಇಲ್ಲಾ ಎಂದೆಡೆ ಆತ್ಮ ವಾಯುಸ್ವರೂಪ, ಘಟ ಸಾಕಾರಸ್ವರೂಪ,
ಗುಣ-ಗಂಧ, ಕುಸುಮ-ಗಂಧ, ತಿಲ-ಸಾರದ ಸಂಗದಂತೆ.
ಇಂತೀ ಉಭಯಭಾವದ ಭೇದವನರಿದ ಪರಮ[ಸುಖ]
ಗಾರುಡೇಶ್ವರಲಿಂಗವನರಿದವಂಗಲ್ಲದೆ ಸಾಧ್ಯವಲ್ಲ.
Transliteration Kāyada saṅgadinda ātmanu bhavakke bappudo?
Ātmana saṅgadinda kāya layakkoḷagappudo?
Kāya jīvadindaḷivo? Jīva kāyadindaḷivō?
Alla, ubhayavū ēkasthadinda praḷayavō?
Embuda antasthadinda tiḷidu,
kāyakkū jīvakkū bhēdavuṇṭendaḍe, ondabiṭṭondu iradu.
Illā endeḍe ātma vāyusvarūpa, ghaṭa sākārasvarūpa,
guṇa-gandha, kusuma-gandha, tila-sārada saṅgadante.
Intī ubhayabhāvada bhēdavanarida parama[sukha]
gāruḍēśvaraliṅgavanaridavaṅgallade sādhyavalla.
