ಅಯ್ಯಾ, ಏನನಹುದೆಂಬೆ, ಏನನಲ್ಲಾ ಎಂಬೆ.
ಕಾಯವುಳ್ಳನ್ನಕ್ಕ ಕರ್ಮ ಬಿಡದು,
ಜೀವವುಳ್ಳನ್ನಕ್ಕ ಕಾರ್ಪಣ್ಯ ಕೆಡದು.
ಆರ ಕೇಳಿ ಆರಿಗೆ ಹೇಳಿಹೆನೆಂದಡೂ ಭಾವದ ಭ್ರಮೆ ಬಿಡದು.
ಮಹಾಸಮುದ್ರವನೀಜುವವನಂತೆ ಕರ ಕಾಲು ಆಡುವನ್ನಕ್ಕ
ಜೀವಭ್ರಮೆ ನಿಂದಲ್ಲಿ ನಿಂದಿತ್ತು.
ಭಾವಭ್ರಮೆ ಒಂದನರಿತು ಒಂದನರಿದೆಹೆನೆಂಬನ್ನಕ್ಕ
ಬಂದಿತ್ತು ದಿನ, ಅಂಗವ ಹರಿವುದಕ್ಕೆ.
ಈ ಸಂದೇಹದ ಸಂದಿಯಲ್ಲಿ ಕೆಡಹದೆ
ನಿಜದಂಗವ ತೋರು ಗೋಪತಿನಾಥ ವಿಶ್ವೇಶ್ವರಲಿಂಗ.
Transliteration Ayyā, ēnanahudembe, ēnanallā embe.
Kāyavuḷḷannakka karma biḍadu,
jīvavuḷḷannakka kārpaṇya keḍadu.
Āra kēḷi ārige hēḷihenendaḍū bhāvada bhrame biḍadu.
Mahāsamudravanījuvavanante kara kālu āḍuvannakka
jīvabhrame nindalli nindittu.
Bhāvabhrame ondanaritu ondanaridehenembannakka
bandittu dina, aṅgava harivudakke.
Ī sandēhada sandiyalli keḍahade
nijadaṅgava tōru gōpatinātha viśvēśvaraliṅga.
