ಪ್ರಥಮ ಮೂಲದಲ್ಲಿ ನಿರಾಕಾರವಸ್ತು ಸಾಕಾರವಾಯಿತ್ತು.
ಆಚಾರಕ್ಕೋಸ್ಕರವಾಗಿ ವಸ್ತು ಅನಾಚಾರಿಯಾದ.
ಅನಾಹತ ಸಂಸಿದ್ಧ ಆಗಲಾಗಿ ವಿಚಾರಮುಖದಿಂದ
ಆಚಾರ್ಯನಾದ.
ಆ ಮರದ ಶಾಖೆಯ ತೊಡಪಿಂದ ಆ ಮರದ ಫಲದ
ಕೈಗೆ ತಾಹಂತೆ
ಈ ಗುಣ ಕ್ರೀ ನಿಃಕ್ರೀಯೆಂಬ ಉಭಯವಿವರದ ಭೇದ.
ಉಭಯಕ್ಕೆ ಒಂದು ಶುದ್ಧವಾದಲ್ಲಿ ಒಂದಲ್ಲಿ ಒಂದು ಸಂದಿತ್ತು.
ಈ ಗುಣ ಕ್ರೀ ನಿಃಕ್ರೀಲೇಪ, ಏಕಸ್ಥಲ ಐಕ್ಯನ ಕೂಟ
ಗೋಪತಿನಾಥ ವಿಶ್ವೇಶ್ವರಲಿಂಗದ ಒಳಗಿನಾಟ.
Transliteration Prathama mūladalli nirākāravastu sākāravāyittu.
Ācārakkōskaravāgi vastu anācāriyāda.
Anāhata sansid'dha āgalāgi vicāramukhadinda
ācāryanāda.
Ā marada śākheya toḍapinda ā marada phalada
kaige tāhante
ī guṇa krī niḥkrīyemba ubhayavivarada bhēda.
Ubhayakke ondu śud'dhavādalli ondalli ondu sandittu.
Ī guṇa krī niḥkrīlēpa, ēkasthala aikyana kūṭa
gōpatinātha viśvēśvaraliṅgada oḷagināṭa.
