ಪ್ರಥಮ ಮೂರು, ಆಶ್ರಯ ನಾಲ್ಕು, ಸ್ಥಲವಾರು,
ಯೋಗವೆಂಟು, ಸಂಯೋಗವೆರಡು, ವಿಯೋಗವೊಂದು,
ವಿಭೇದವೆರಡು, ಭೇದವೊಂದು, ಅರಿಕೆಯೆರಡು ಅರಿದುದೊಂದು
ಆಕಾಶ ಮೂರು ಅವಾಕಾಶವೆರಡು, ಮಹದಾಕಾಶ ನಾಲ್ಕು.
ಇಂತಿವೆಲ್ಲವೂ ಮಹಾಪ್ರಕಾಶದ ಪ್ರಭೆ ಪ್ರಜ್ವಲವಾಗಿ
ಉಭಯನಾಮರೂಪ ತಾಳ್ದು,
ವಂಶ ಮೂರರಲ್ಲಿ ಅಳವಟ್ಟು ಸ್ಥಲವಾರರಲ್ಲಿ ಬೆಳೆದು,
ಕುಳವೆಂಟರಲ್ಲಿ ಪಲ್ಲೈಸಿ ಕುಳ ನಾಲ್ಕರಲ್ಲಿ ಒಕ್ಕಿ,
ಫಲ ಮೂರರಲ್ಲಿ ಅಳೆದು ಹಗ ಒಂದರಲ್ಲಿ ತುಂಬಿತ್ತು.
ಇಂತೀ ವಿವಿಧ ಸ್ಥಲಂಗಳ ಹೊಲಬನರಿತು
ವರ್ತಕಕ್ಕೆ ಕ್ರೀ ಶುದ್ಧ, ಅರಿವಿಂಗೆ ಬಿಡುಗಡೆ ಶುದ್ಧ
ಬಿಡುಗಡೆ ಎರಡು ಏಕವಾದಲ್ಲಿ ಸ್ಥಲ ನಿರ್ವಾಹ.
ಶಂಭುವಿನಿಂದಿತ್ತ ಸ್ವಯಂಭುವಿನಿಂದತ್ತ ಅತಿಬಳ ನೋಡಾ.
ಮಾತುಳಂಗ ಮಧುಕೇಶ್ವರನು.
Transliteration Prathama mūru, āśraya nālku, sthalavāru,
yōgaveṇṭu, sanyōgaveraḍu, viyōgavondu,
vibhēdaveraḍu, bhēdavondu, arikeyeraḍu aridudondu
ākāśa mūru avākāśaveraḍu, mahadākāśa nālku.
Intivellavū mahāprakāśada prabhe prajvalavāgi
ubhayanāmarūpa tāḷdu,
vanśa mūraralli aḷavaṭṭu sthalavāraralli beḷedu,
Kuḷaveṇṭaralli pallaisi kuḷa nālkaralli okki,
phala mūraralli aḷedu haga ondaralli tumbittu.
Intī vividha sthalaṅgaḷa holabanaritu
vartakakke krī śud'dha, ariviṅge biḍugaḍe śud'dha
biḍugaḍe eraḍu ēkavādalli sthala nirvāha.
Śambhuvininditta svayambhuvinindatta atibaḷa nōḍā.
Mātuḷaṅga madhukēśvaranu.
