ತ್ರೈಮೂರ್ತಿಗಳು ನಿನ್ನ ಸಾಕಾರದ ಶಾಖೆ.
ತ್ರೈಮೂರ್ತಿಗಳು ನಿನ್ನ ಅಪ್ಪುವಿನ ಅಂಕುರ ಶಕ್ತಿ.
ಇಂತೀ ಸರ್ವಗುಣ ಸಂಪನ್ನನಾಗಿ
ಬ್ರಹ್ಮಂಗೆ ಅಂಡವ ಕೊಟ್ಟು ವಿಷ್ಣುವಿಗೆ ಪಿಂಡವ ಕೊಟ್ಟು
ರುದ್ರಂಗೆ ಕಂಡೆಹವ ಕೊಟ್ಟು ಹಿಂಗಿದೆ.
ನೀನಿದರಂದವನೊಲ್ಲದೆ ಅಂಗಕ್ಕೆ ಮಯ ನೀನೇ,
ನಿರಂಗಕ್ಕೆ ಸಂಗ ನೀನೇ.
ಹಿಂಗೂದಕ್ಕೆ ನಿನ್ನಂಗ ಅನ್ಯ ಭಿನ್ನವಲ್ಲ.
ಮುಕುರದ ಮರೆಯಲ್ಲಿ ತೋರುವ ಪ್ರತಿರೂಪಿನಂತೆ
ಸಕಲದೇವರ ಚೈತನ್ಯಭಾವ ನಿನ್ನ ಉಷ್ಣ ಬಿಂದು,
ಸಕಲದೇವರ ಶಾಂತಿ ನಿನ್ನ ಸಮಾನ ಬಿಂದು,
ಇಂತಿವ ಹೇಳುವಡೆ ವಾಙ್ಮನಕ್ಕತೀತ
ಅತ್ಯತಿಷ್ಠದ್ದಶಾಂಗುಲ ನಾರಾಯಣ ನಯನ ಪೂಜಿತ
ಪ್ರಿಯ ರಾಮೇಶ್ವರಲಿಂಗ ನಾ ನೀನಾದೈಕ್ಯ.
Transliteration Traimūrtigaḷu ninna sākārada śākhe.
Traimūrtigaḷu ninna appuvina aṅkura śakti.
Intī sarvaguṇa sampannanāgi
brahmaṅge aṇḍava koṭṭu viṣṇuvige piṇḍava koṭṭu
rudraṅge kaṇḍ'̔ehava koṭṭu hiṅgide.
Nīnidarandavanollade aṅgakke maya nīnē,
niraṅgakke saṅga nīnē.
Hiṅgūdakke ninnaṅga an'ya bhinnavalla.
Mukurada mareyalli tōruva pratirūpinante
sakaladēvara caitan'yabhāva ninna uṣṇa bindu,
sakaladēvara śānti ninna samāna bindu,
intiva hēḷuvaḍe vāṅmanakkatīta
atyatiṣṭhaddaśāṅgula nārāyaṇa nayana pūjita
priya rāmēśvaraliṅga nā nīnādaikya.
