ಕರ್ಪುರವ ಕರಂಡದಲ್ಲಿ ಹಾಕಿ ತೆಗೆದಡೆ ಗಂಧವಿಪ್ಪುದಲ್ಲದೆ
ಮತ್ತಾ ಕರ್ಪುರವ ಕಿಚ್ಚಿನಲ್ಲಿ ಹಾಕಿ
ಗಂಧದ ಲಕ್ಷಣವ ನೋಡಿಹೆನೆಂದಡೆ ಅದು ಅಪ್ರಮಾಣು ನೋಡಾ.
ಇಂತೀ ಸ್ಥಲವನಾಚರಿಸುವಲ್ಲಿ ಕರಂಡ ಗಂಧಸ್ಥಲ ನಿಶ್ಚಯವಾದಲ್ಲಿ
ಉರಿ ಗಂಧ ಸಂಗ.
ಇಂತೀ ಜ್ಞಾತೃ ಜ್ಞೇಯ ಭೇದಕ್ರೀ ನಿರ್ವಾಹಕ್ಕೆ ಸ್ಥಲ.
ಆರೋಪ ಲಕ್ಷಣ ಐಕ್ಯಲೇಪ
ಚನ್ನಬಸವಣ್ಣಪ್ರಿಯ ಭೋಗಮಲ್ಲಿಕಾರ್ಜುನಲಿಂಗದಲ್ಲಿ.
Transliteration Karpurava karaṇḍadalli hāki tegedaḍe gandhavippudallade
mattā karpurava kiccinalli hāki
gandhada lakṣaṇava nōḍ'̔ihenendaḍe adu apramāṇu nōḍā.
Intī sthalavanācarisuvalli karaṇḍa gandhasthala niścayavādalli
uri gandha saṅga.
Intī jñātr̥ jñēya bhēdakrī nirvāhakke sthala.
Ārōpa lakṣaṇa aikyalēpa
cannabasavaṇṇapriya bhōgamallikārjunaliṅgadalli.
