ವ್ಯತಿರಿಕ್ತವಾದ ಪರಿಪೂರ್ಣತ್ವ ಆದೆನೆಂದಲ್ಲಿ
ಅಚಲಿತವಪ್ಪ ನಿಜಚಲಿತನಾಗಿ ಚಲಿಸದೆ ನಿಂದ ಪರಿಯಿನ್ನೆಂತೊ?
ರತ್ನದ ಘಟಗೂಡಿ ಮುಚ್ಚಿದಡೆ ದೀಪ್ತಿ ಅಲ್ಲಿಯೆ ಅಡಗುವುದಲ್ಲದೆ
ಘಟ ಬೇರಿದ್ದು ಬೆಳಗ ಮುಚ್ಚಿಹೆನೆಂದಡೆ ಅಡಗಿದುದುಂಟೆ ಆ ಬೆಳಗು?
ಅದು ಕಾರಣದಲ್ಲಿ ಪರಿಪೂರ್ಣತ್ವವಾದಲ್ಲಿಯೆ ಇದಿರೆಡೆಯಿಲ್ಲ.
ಅರ್ಪಿತಕ್ಕೆ ಅಗ್ನಿ ಕೊಂಡ ಘೃತ ತಿಲ ಸಾರ
ಮುಂತಾದವು ರೂಪಗೊಂಡವು.
ಅಲ್ಲಿಯೆ ಅಡಗಿದಂತೆ ಐಕ್ಯನ ಅರ್ಪಿತಸ್ಥಲ
ಚನ್ನಬಸವಣ್ಣಪ್ರಿಯ ಭೋಗಮಲ್ಲಿಕಾರ್ಜುನಲಿಂಗದಲ್ಲಿ.
Transliteration Vyatiriktavāda paripūrṇatva ādenendalli
acalitavappa nijacalitanāgi calisade ninda pariyinnento?
Ratnada ghaṭagūḍi muccidaḍe dīpti alliye aḍaguvudallade
ghaṭa bēriddu beḷaga muccihenendaḍe aḍagiduduṇṭe ā beḷagu?
Adu kāraṇadalli paripūrṇatvavādalliye idireḍeyilla.
Arpitakke agni koṇḍa ghr̥ta tila sāra
muntādavu rūpagoṇḍavu.
Alliye aḍagidante aikyana arpitasthala
cannabasavaṇṇapriya bhōgamallikārjunaliṅgadalli.
