ಕಾಯದಲ್ಲಿ ಸೋಂಕ ಅಳಿದು, ಕೊಂಬುದು ಶುದ್ಧಪ್ರಸಾದಿಯ ಅಂಗ.
ಕರಣಂಗಳಿಚ್ಫೆಯಿಲ್ಲದೆ ಕೊಂಬುದು ಸಿದ್ಧಪ್ರಸಾದಿಯ ಅಂಗ.
ಭಾವ ತಲೆದೋರದೆ ಜನನ ಮರಣಾದಿಗಳಲ್ಲಿ
ನಾಮ ರೂಪು ಕ್ರೀಗೆ ಬಾರದೆ ನಿಶ್ಚಯ ನಿಜಾಂಗಲೇಪವಾಗಿ
ಕೊಂಬುದು ಪ್ರಸಿದ್ಧಪ್ರಸಾದಿಯ ಅಂಗ.
ಇಂತೀ ತ್ರಿವಿಧಪ್ರಸಾದಿಗಳಲ್ಲಿ ಹೊರಗೆ ವಿಚಾರಿಸಿ, ಒಳಗ ಕಂಡು
ಒಳಗಿನ ಗುಣದಲ್ಲಿ ಕಳೆ ನಿಂದು ನಿಃಪತಿಯಾಗಿ
ದೃಷ್ಟ ತನ್ನಷ್ಟವಾದುದು ಸ್ವಯಂಪ್ರಸಾದಿಯ ಅಂಗ.
ಇಂತಿವರಲ್ಲಿ ತಿಳಿದುಳಿದವಂಗಲ್ಲದೆ
ಜಂಗಮಪ್ರಸಾದವ ಲಿಂಗಕ್ಕೆ ಕೊಟ್ಟಿಹೆನೆಂಬುದು ದೃಷ್ಟಾಂತವಲ್ಲ.
ಕೊಟ್ಟು ಕೊಂಡೆಹೆನೆಂದಡೆ
ಆ ಗುರುವಿಗೂ ಲಿಂಗವೆಂಬುದೊಂದು ಕುರುಹು.
ಜಂಗಮಕ್ಕೂ ಲಿಂಗವೆಂಬುದೊಂದು ಕುರುಹು.
ಕೊಟ್ಟು ಕೊಂಡೆಹೆನೆಂಬ ಭಕ್ತಂಗೂ
ಲಿಂಗವೆಂಬುದೊಂದು ಕುರುಹು.
ಇಂತೀ ಬೀಜ, ಆ ಬೀಜದಿಂದಂಕುರ.
ಆ ಅಂಕುರದಿಂದ ಪತ್ರ ಕುಸುಮ ಫಲಭೋಗ.
ಆ ಫಲಭೋಗದಿಂದ ಮತ್ತೆ ಬೀಜವಪ್ಪುದರಿಂದ ಕಂಡು
ಇಂತೀ ತ್ರಿವಿಧಗುಣ ಲಿಂಗ ಸೋಂಕೆಂಬುದ ಕಂಡು
ಒಂದರಿಂದೊಂದು ಗುಣವನರಿದೆಹೆನೆಂದಡೆ
ಸಂದನಳಿದ ಸದಮಲಾನಂದವೊಂದು
ಸೂತಕವೆಂದಳಿದು ಕೊಡಲಿಲ್ಲ.
ಎರಡು ಸೂತಕವೆಂದು ಮುಟ್ಟಿ ಅರ್ಪಿಸಲಿಲ್ಲ.
ಮೂರನೊಡಗೂಡಿ ಪ್ರಸಾದವಿದೆಯೆಂದು
ಬೇರೆ ಅರ್ಪಿಸಿಕೊಂಬವರಿನ್ನಾರೊ ?
ಇಂತೀ ಪ್ರಸಾದಿಯ ಪ್ರಸನ್ನವ ತಿಳಿದಲ್ಲಿ
ದಹನ ಚಂಡಿಕೇಶ್ವರಲಿಂಗವು ಪ್ರಸನ್ನಪ್ರಸಾದಿಕಾಯನು.
Transliteration Kāyadalli sōṅka aḷidu, kombudu śud'dhaprasādiya aṅga.
Karaṇaṅgaḷicpheyillade kombudu sid'dhaprasādiya aṅga.
Bhāva taledōrade janana maraṇādigaḷalli
nāma rūpu krīge bārade niścaya nijāṅgalēpavāgi
kombudu prasid'dhaprasādiya aṅga.
Intī trividhaprasādigaḷalli horage vicārisi, oḷaga kaṇḍu
oḷagina guṇadalli kaḷe nindu niḥpatiyāgi
dr̥ṣṭa tannaṣṭavādudu svayamprasādiya aṅga.
Kāyadalli sōṅka aḷidu, kombudu śud'dhaprasādiya aṅga.
Karaṇaṅgaḷicpheyillade kombudu sid'dhaprasādiya aṅga.
Bhāva taledōrade janana maraṇādigaḷalli
nāma rūpu krīge bārade niścaya nijāṅgalēpavāgi
kombudu prasid'dhaprasādiya aṅga.
Intī trividhaprasādigaḷalli horage vicārisi, oḷaga kaṇḍu
oḷagina guṇadalli kaḷe nindu niḥpatiyāgi
dr̥ṣṭa tannaṣṭavādudu svayamprasādiya aṅga.
Ā phalabhōgadinda matte bījavappudarinda kaṇḍu
intī trividhaguṇa liṅga sōṅkembuda kaṇḍu
ondarindondu guṇavanaridehenendaḍe
sandanaḷida sadamalānandavondu
sūtakavendaḷidu koḍalilla.
Eraḍu sūtakavendu muṭṭi arpisalilla.
Mūranoḍagūḍi prasādavideyendu
bēre arpisikombavarinnāro?
Intī prasādiya prasannava tiḷidalli
dahana caṇḍikēśvaraliṅgavu prasannaprasādikāyanu.
