ನೆನೆವೆನಯ್ಯಾ ಬಸವಣ್ಣ,
ನಿಮ್ಮ ಚರಣವೆನ್ನ ಮನದಲ್ಲಿ ಸಾಹಿತ್ಯವಹನ್ನಕ್ಕ.
ನೋಡುವೆನಯ್ಯಾ ಬಸವಣ್ಣ,
ನಿಮ್ಮ ಮೂರ್ತಿ ಎನ್ನನವಗವಿಸುವನ್ನಕ್ಕ.
ಪೂಜಿಸುವೆನಯ್ಯಾ ಬಸವಣ್ಣ,
ನಿಮ್ಮ ಪ್ರಸಾದವೆನ್ನ ತನುವಹನ್ನಕ್ಕ.
ನಿಮ್ಮ ಆಹ್ವಾನಿಸುವೆನಯ್ಯಾ ಬಸವಣ್ಣ,
ಅನಿಮಿಷ ನಿಮಿಷಗಳಿಲ್ಲವೆಂದೆನಿಸುವನ್ನಕ್ಕ.
ನಿಮ್ಮ ಧ್ಯಾನಿಸುವೆನಯ್ಯಾ ಬಸವಣ್ಣ,
ಜ್ಞಾನಜ್ಞಾನವಿಲ್ಲವೆನಿಸುವನ್ನಕ್ಕ.
ನಿಮ್ಮ ಮೂರ್ತಿಗೊಳಿಸುವೆನಯ್ಯಾ ಬಸವಣ್ಣ,
ಅಹಂ ಸೋಹಂ ಎಂಬ ಶಬ್ದವುಳ್ಳನ್ನಕ್ಕ.
ಬಸವಣ್ಣಾ ಎಂದು ಹಾಡುವೆನಯ್ಯ,
ಎನ್ನ ತನುವಿನ ಗಮನ ನಿರ್ಗಮನವಹನ್ನಕ್ಕ.
ಬಸವಣ್ಣಾ ಬಸವಣ್ಣಾ ಬಸವಣ್ಣಾ ಎನುತಿರ್ದೆನಯ್ಯಾ,
ಕಲಿದೇವರದೇವನೆಂಬ ಶಬ್ಧವುಳ್ಳನ್ನಕ್ಕ.
Transliteration Nenevenayyā basavaṇṇa,
nim'ma caraṇavenna manadalli sāhityavahannakka.
Nōḍuvenayyā basavaṇṇa,
nim'ma mūrti ennanavagavisuvannakka.
Pūjisuvenayyā basavaṇṇa,
nim'ma prasādavenna tanuvahannakka.
Nim'ma āhvānisuvenayyā basavaṇṇa,
animiṣa nimiṣagaḷillavendenisuvannakka.
Nim'ma dhyānisuvenayyā basavaṇṇa,
jñānajñānavillavenisuvannakka.
Nim'ma mūrtigoḷisuvenayyā basavaṇṇa,
ahaṁ sōhaṁ emba śabdavuḷḷannakka.
Basavaṇṇā endu hāḍuvenayya,
enna tanuvina gamana nirgamanavahannakka.
Basavaṇṇā basavaṇṇā basavaṇṇā enutirdenayyā,
kalidēvaradēvanemba śabdhavuḷḷannakka.
