ಲಿಂಗೈಕ್ಯ ಲಿಂಗವಂತ ಲಿಂಗಪ್ರಾಣಿ
ಪ್ರಾಣಲಿಂಗಿಗಳೆಂದೆನಬಹುದು.ಎನಬಹುದು
ಉದಯಕಾಲ ಮಧ್ಯಾಹ್ನ ಕಾಲ ವಿಚಿತ್ರಕಾಲ ತ್ರಿಕಾಲ
ಲಿಂಗಾರ್ಚಕರೆಂದೆನಬಹುದು, ಎನಬಹುದು.
ಹೊನ್ನು ಹೆಣ್ಣು ಮಣ್ಣು ತ್ರಿವಿಧವ ತೋರಿದ
ನಿಷ್ಪೃಹರೆಂದೆನಬುಹುದು, ಎನಬಹುದು.
ಧಾರಣೆ ಪಾರಣೆ ಒಡಲ ದಂಡಣೆ ಕರಣ ದಂಡಣೆ
ಉಳ್ಳವರೆಂದೆನಬಹುದು.
ಶೀಲವಂತರು ಸಂಬಂಧಿಗಳು ಒರತೆಯಗ್ಘ[ವ]ಣಿಯ
ನೇಮಿಗಳೆಂದೆನಬುಹುದು, ಎನಬಹುದು.
ನೇಮ ವ್ರತ ಪಾಕದ್ರವ್ಯವ ಒಲ್ಲೆವೆಂದೆನಬಹುದು, ಎನಬಹುದು.
ಶುದ್ಧಶೈವ ಪೂರ್ವಶೈವ ವೀರಶೈವವೆಂದೆನಬಹುದು, ಎನಬಹುದು.
ಸರವೇದಿಗಳು ಶಬ್ದವೇದಿಗಳು
ಮಹಾನುಭಾವಿಗಳೆಂದೆನಬಹುದು, ಎನಬಹುದು.
ಇಂತಿವರೆಲ್ಲರೂ
ಶಿವಪಥದೊಳಗೆ ಮಾಡುತ್ತ ಆಡುತ್ತ ಇದ್ದರಲ್ಲದೆ
ಒಂದರ ಕುಳವು ತಿಳಿಯದು ನೋಡಾ.
ಆ ಒಂದು ದಾಸೋಹದಲ್ಲಿ ಬಸವಣ್ಣ ಸ್ವತಂತ್ರ.
ಆ ಲಿಂಗವು ಬಸವಣ್ಣನ ಒಡನೊಡನೆ ಆಡುತಿರ್ದನು ನೋಡಾ.
ಇದು ಕಾರಣ,ಬಸವಣ್ಣ ನಡೆಪರುಷ.
ಬಸವಣ್ಣ ನುಡಿ ಪರುಷ,ಬಸವಣ್ಣ ದೃಷ್ಟಿಪರುಷ.
ಬಸವಣ್ಣ ಹಸ್ತ ಪರುಷ,ಬಸವಣ್ಣ ಮನ ಪರುಷ,
ಬಸವಣ್ಣನ ಭಾವ ಪರುಷ,
ತನು ಮನ ಧನ ಗುರು ಲಿಂಗ ಜಂಗಮಕ್ಕೆ
ನಿವೇದಿಸಿದಾತ ಬಸವಣ್ಣ,ಅದು ಕಾರಣ ಅಂದಾದಿ ಇಂದಾದಿಯಾಗಿ,
ಬಸವಣ್ಣ ನೆನೆವುದೆ ಲಿಂಗಾರ್ಚನೆ
ಬಸವಣ್ಣ ನೆನೆವುದೆ ಜಂಗಮಾರ್ಚನೆ ,
ಬಸವಣ್ಣ ನೆನೆವುದೆ ಪರತತ್ವ,
ಬಸವಣ್ಣ ನೆನೆವುದೆ ಪರಮಕಲ್ಯಾಣ,
ಕಲಿದೇವಾ ನಿಮ್ಮ ಶರಣ ಬಸವಣ್ಣ ನೆನೆದು
ಸಮಸ್ತ ಗಣಂಗಳೆಲ್ಲರೂ ಅತಿಶುದ್ಧರಾದರಯ್ಯ
Transliteration Liṅgaikya liṅgavanta liṅgaprāṇi
prāṇaliṅgigaḷendenabahudu.Enabahudu
udayakāla madhyāhna kāla vicitrakāla trikāla
liṅgārcakarendenabahudu, enabahudu.
Honnu heṇṇu maṇṇu trividhava tōrida
niṣpr̥harendenabuhudu, enabahudu.
Dhāraṇe pāraṇe oḍala daṇḍaṇe karaṇa daṇḍaṇe
uḷḷavarendenabahudu.
Śīlavantaru sambandhigaḷu orateyaggha[va]ṇiya
nēmigaḷendenabuhudu, enabahudu.
Nēma vrata pākadravyava ollevendenabahudu, enabahudu.
Śud'dhaśaiva pūrvaśaiva vīraśaivavendenabahudu, enabahudu.
Saravēdigaḷu śabdavēdigaḷu
mahānubhāvigaḷendenabahudu, enabahudu.
Intivarellarū
śivapathadoḷage māḍutta āḍutta iddarallade
ondara kuḷavu tiḷiyadu nōḍā.
Ā ondu dāsōhadalli basavaṇṇa svatantra.
Ā liṅgavu basavaṇṇana oḍanoḍane āḍutirdanu nōḍā.
Idu kāraṇa,basavaṇṇa naḍeparuṣa.
Basavaṇṇa nuḍi paruṣa,basavaṇṇa dr̥ṣṭiparuṣa.
Basavaṇṇa hasta paruṣa,basavaṇṇa mana paruṣa,
basavaṇṇana bhāva paruṣa,
tanu mana dhana guru liṅga jaṅgamakke
nivēdisidāta basavaṇṇa,adu kāraṇa andādi indādiyāgi,
Basavaṇṇa nenevude liṅgārcane
basavaṇṇa nenevude jaṅgamārcane,
basavaṇṇa nenevude paratatva,
basavaṇṇa nenevude paramakalyāṇa,
kalidēvā nim'ma śaraṇa basavaṇṇa nenedu
samasta gaṇaṅgaḷellarū atiśud'dharādarayya
