ಶಬ್ದ ಸ್ಪರ್ಶ ರೂಪು ರಸ ಗಂಧ
ಪಂಚವಿಷಯ ಸಂಗತವಾವುದೆಂದಡೆ:
ಶಬ್ದ ಗುರು, ಸ್ಪರ್ಶ ಲಿಂಗ, ರೂಪುಜಂಗಮ,
ರಸಪ್ರಸಾದ, ಗಂಧ ಅನುಭಾವ.
ಇಂತೀ ಪಂಚವಿಂಶತಿಯವನಲ್ಲವೆನಬಲ್ಲನಾಗಿ ಬಸವಣ್ಣನು.
ಮನ ಬುದ್ಧಿ ಚಿತ್ತ ಅಹಂಕಾರ ಚತುರ್ವಿಧ ಸ್ಥೂಲವಾವುದೆಂದಡೆ:
ಮನ ಧ್ಯಾನ ಬುದ್ಧಿ ವಂಚನೆ ಇಲ್ಲದುದು.
ಚಿತ್ತ ದಾಸೋಹ ಅಹಂಕಾರ ಜ್ಞಾನ
ಇವರಲ್ಲಿ ಮಾಡಬಲ್ಲನಾಗಿ ಬಸವಣ್ಣನು.
ಸತ್ವ ರಜ ತಮವೆಂಬೀ ತ್ರಿಕರಣವಾವುದೆಂದಡೆ:
ಸತ್ವಶುದ್ಧ ರಜಸಿದ್ಧ ತಮಪ್ರಸಿದ್ಧ.
ಇಂತೀ ತ್ರಿವಿಧ ಸನ್ನಿಹಿತನಾಗಿ ಬಸವಣ್ಣನು.
ಕಾಮ ಕ್ರೋಧ ಲೋಭ ಮೋಹ ಮದ ಮತ್ಸರವಾವುದೆಂದಡೆ:
ಕಾಮ ಪೂಜೆ, ಕ್ರೋಧ ಅನಿಮಿಷ,
ಲೋಭ ಭಕ್ತಿ, ಮೋಹ ಅಷ್ಟವಿಧಾರ್ಚನೆ,
ಮದ ಷೋಡಶೋಪಚಾರ
ಮತ್ಸರ ಭವಂ ನಾಸ್ತಿ ಎಂದೆನಬಲ್ಲನಾಗಿ ಬಸವಣ್ಣನು,
ಮಹಾದೇವನು ಬಸವಣ್ಣನು, ಮಹಾಲಿಂಗವು ಬಸವಣ್ಣಂಗೆ
ಮತ್ತೇನು ಅಪ್ರತಿಮ ಕಾಣಾ, ಕಲಿದೇವಯ್ಯ.
Transliteration Śabda sparśa rūpu rasa gandha
pan̄caviṣaya saṅgatavāvudendaḍe:
Śabda guru, sparśa liṅga, rūpujaṅgama,
rasaprasāda, gandha anubhāva.
Intī pan̄cavinśatiyavanallavenaballanāgi basavaṇṇanu.
Mana bud'dhi citta ahaṅkāra caturvidha sthūlavāvudendaḍe:
Mana dhyāna bud'dhi van̄cane illadudu.
Citta dāsōha ahaṅkāra jñāna
ivaralli māḍaballanāgi basavaṇṇanu.
Satva raja tamavembī trikaraṇavāvudendaḍe:
Satvaśud'dha rajasid'dha tamaprasid'dha.
Intī trividha sannihitanāgi basavaṇṇanu.
Kāma krōdha lōbha mōha mada matsaravāvudendaḍe:
Kāma pūje, krōdha animiṣa,
lōbha bhakti, mōha aṣṭavidhārcane,
mada ṣōḍaśōpacāra
matsara bhavaṁ nāsti endenaballanāgi basavaṇṇanu,
mahādēvanu basavaṇṇanu, mahāliṅgavu basavaṇṇaṅge
mattēnu apratima kāṇā, kalidēvayya.
