ಆತ್ಮನನರಿದೆಹೆವೆಂದು ಭೀಷ್ಮಿಸಿಕೊಂಡಿಪ್ಪ
ಜಗದಾಟ ತ್ರಿವಿಧ ಕಾಟದ ನೀತಿವಂತರು ಕೇಳಿರೊ.
ಆತ್ಮನ ಇರವು ಶ್ವೇತವೋ, ಹರೀತವೋ,
ಕಪೋತವೋ, ಮಂಜಿಷ್ಠವೋ ?
ಕೃಷ್ಣಗೌರವ ಗಾತ್ರಕ್ಕೆ ಮೊದಲಾದ ಬಣ್ಣದ ವರ್ಣವೋ ?
ಇವೇಕೊ ? ಬಾಯಲ್ಲಿ ಆಡುವ ಮಾತಲ್ಲದೆ,
ಭಾವಜ್ಞರನಾರನೂ ಕಾಣೆ.
ಆತ್ಮನ ಕಂಡವನ ಇರವು ಮುಕುರದೊಳಗಣ ಪ್ರತಿಬಿಂಬದಂತೆ,
ಶ್ರುತಿಯೊಳಗಡಗಿದ ಗತಿ ನಾದದಂತೆ,
ಸುಖದೊಳಗಡಗಿದ ಪ್ರತಿರೂಪದಂತೆ.
ಇದರ ಎಸಕದ ಕುರುಹನರಿದವ ನೀನೋ, ಆತ್ಮನೋ ?
ಇದನೇನೆಂದು ಅರಿಯೆ.
ಭಾವಭ್ರಮೆಗೆ ದೂರ ಜ್ಞಾನನಿರ್ಲೇಪ,
ತಾನು ತಾನೆ, ನಿಃಕಳಂಕ ಮಲ್ಲಿಕಾರ್ಜುನಾ
Transliteration (Vachana in Roman Script) Ātmananaridehevendu bhīṣmisikoṇḍippa
jagadāṭa trividha kāṭada nītivantaru kēḷiro.
Ātmana iravu śvētavō, harītavō,
kapōtavō, man̄jiṣṭhavō?
Kr̥ṣṇagaurava gātrakke modalāda baṇṇada varṇavō?
Ivēko? Bāyalli āḍuva mātallade,
bhāvajñaranāranū kāṇe.
Ātmana kaṇḍavana iravu mukuradoḷagaṇa pratibimbadante,
śrutiyoḷagaḍagida gati nādadante,
sukhadoḷagaḍagida pratirūpadante.
Idara esakada kuruhanaridava nīnō, ātmanō?
Idanēnendu ariye.
Bhāvabhramege dūra jñānanirlēpa,
tānu tāne, niḥkaḷaṅka mallikārjunā
Read More
