ಕಟ್ಟಿ ಬಿಟ್ಟು ಕಂಡೆಹೆವೆಂದು ಬಿಗಿದಿಪ್ಪರಂತೆ ಕೆಲ[ವರು].
ಕಣ್ಣು ಮುಚ್ಚಿ ಧ್ಯಾನದಿಂದರಿದು ನಿಂದಿಹೆವೆಂದು ಕೆಲ[ವರು].
ಜಪತಪ ನೇಮದಿಂದ ತಿರುಹಿ ಕಂಡೆಹೆವೆಂದು ಕೆಲ[ವರು].
ವೇದ ಶಾಸ್ತ್ರ ಆಗಮವ ನೋಡಿ ಕಂಡೆಹೆವೆಂದು ಕೆಲ[ವರು].
ಮಾಡಿ ನೀಡಿ ಕೊಟ್ಟುಕೊಂಡು ಸುಖಿಯಾಗಿ ನಿಂದಿಹೆವೆಂದು [ಕೆಲವರು].
ಕರ್ತೃ ಭೃತ್ಯರಾದೆಹೆವೆಂದು [ಕೆಲವರು].
ಲೋಕವೆಲ್ಲ ಕೆಟ್ಟು, ಮುನ್ನಾದಿಯಲ್ಲಿ ಆದ ಲಿಂಗ,
ಇದೆ ಸಾಮ್ಯಕೃತ್ಯವೆಂದು ಭೇದಿಸುವುದಕ್ಕೆ
ಅತೀತನಾದ ಶೂನ್ಯಲಿಂಗ.
ಅನ್ಯಸಾಧ[ಕ]ಕ್ಕೆ ಸಿಕ್ಕದಿಪ್ಪ ಅನಾಗತ ಸಂಸಿದ್ಧಲಿಂಗವನು,
ತನ್ನನರಿದು ಇದಿರ ಕಂಡಡೆ, ಪ್ರಾಣಲಿಂಗವದೇಕೊ ?
ಏನೂ ಎನ್ನದೆ, ಅದೆಂತೂ ಎನ್ನದಿರ್ಪ
ನಿಃಕಳಂಕ ಮಲ್ಲಿಕಾರ್ಜುನ ತಾನೆ ಬಲ್ಲ.
Transliteration Kaṭṭi biṭṭu kaṇḍ'̔ehevendu bigidipparante kela[varu].
Kaṇṇu mucci dhyānadindaridu nindihevendu kela[varu].
Japatapa nēmadinda tiruhi kaṇḍ'̔ehevendu kela[varu].
Vēda śāstra āgamava nōḍi kaṇḍ'̔ehevendu kela[varu].
Māḍi nīḍi koṭṭukoṇḍu sukhiyāgi nindihevendu [kelavaru].
Kartr̥ bhr̥tyarādehevendu [kelavaru].
Lōkavella keṭṭu, munnādiyalli āda liṅga,
Ide sāmyakr̥tyavendu bhēdisuvudakke
atītanāda śūn'yaliṅga.
An'yasādha[ka]kke sikkadippa anāgata sansid'dhaliṅgavanu,
tannanaridu idira kaṇḍaḍe, prāṇaliṅgavadēko?
Ēnū ennade, adentū ennadirpa
niḥkaḷaṅka mallikārjuna tāne balla.
