ಕಾಣಿಯ ಹಾಕಿ ಮುಕ್ಕಾಣಿಯನರಸುವನಂತೆ,
ಒಂದ ಬಿಟ್ಟೊಂದನರಿದೆಹೆನೆಂಬ ಸಂದೇಹಿಗೇಕೆ ಲಿಂಗ ?
ಸರ್ವವ್ಯಾಪಾರವ ಕಟ್ಟಿಕೊಂಡಿರ್ಪ ಹರದಿಗನ ತೆರನಂತೆ,
ಕೊಂಡುದಕ್ಕೆ ಕೊಡುವಲ್ಲಿ, ವಾಸಿಯಂ ಕಂಡು ಬಿಟ್ಟ ಲಾಭಗಾರನಂತೆ,
ಮೊದಲಿಂಗೆ ಮೋಸ ಲಾಭಕ್ಕರಸಲುಂಟೆ ?
ಅಯ್ಯಾ, ಒಂದನರಿದಲ್ಲದೆ ಮೂರನು ಮರೆಯಬಾರದು.
ಮೂರ ಮರೆದಲ್ಲದೆ ಐದ ಹರಿಯಬಾರದು.
ಐದ ಹರಿದಲ್ಲವೆ ಆರ ಮೆಟ್ಟಬಾರದು.
ಆರ ಮೆಟ್ಟಿದಲ್ಲದೆ ಎಂಟನೀಂಟಬಾರದು.
ಎಂಟರೊಳಗಣ ಬಂಟರೆಲ್ಲರೂ ಮಹಾಪ್ರಳಯರಾದರು.
ಹೀಂಗಲ್ಲದೆ ಪ್ರಾಣಲಿಂಗಿಗಳೆಂತಾದಿರೊ ?
ಗಂಟ ಕೊಯ್ದು ಕೊಡದ ಗಂಟುಗಳ್ಳರಂತೆ,
ತುಂಟರ ಮೆಚ್ಚುವನೆ, ನಿಃಕಳಂಕ ಮಲ್ಲಿಕಾರ್ಜುನ ?
Transliteration Kāṇiya hāki mukkāṇiyanarasuvanante,
onda biṭṭondanaridehenemba sandēhigēke liṅga?
Sarvavyāpārava kaṭṭikoṇḍirpa haradigana teranante,
koṇḍudakke koḍuvalli, vāsiyaṁ kaṇḍu biṭṭa lābhagāranante,
modaliṅge mōsa lābhakkarasaluṇṭe?
Ayyā, ondanaridallade mūranu mareyabāradu.
Mūra maredallade aida hariyabāradu.
Aida haridallave āra meṭṭabāradu.
Āra meṭṭidallade eṇṭanīṇṭabāradu.
Eṇṭaroḷagaṇa baṇṭarellarū mahāpraḷayarādaru.
Hīṅgallade prāṇaliṅgigaḷentādiro?
Gaṇṭa koydu koḍada gaṇṭugaḷḷarante,
tuṇṭara meccuvane, niḥkaḷaṅka mallikārjuna?
