ಗುರುವನರಿಯದ ಕಾರಣ ತನು ಸವೆಯಬೇಕೆಂಬರು.
ಲಿಂಗವನರಿಯದ ಕಾರಣ ಮನ ಸವೆಯಬೇಕೆಂಬರು.
ಜಂಗಮವನರಿಯದ ಕಾರಣ ಧನ ಸವೆಯಬೇಕೆಂಬರು.
ಇಂತೀ ತ್ರಿವಿಧವನರಿಯದ ಕಾರಣ ಮಾಟಕೂಟಕ್ಕೆ
ಮನೆಗಟ್ಟಿ ಮಾಡುತ್ತಿರ್ದರಯ್ಯಾ ಮಹಾಗಣಂಗಳು,
ತಾವು ಸ್ವಇಚ್ಫಾಪರರಲ್ಲದೆ.
ಬ್ರಹ್ಮನ ಹಂಗಿಂದ ಬಂದ ಗುರುವನರಿಯರಾಗಿ,
ವಿಷ್ಣುವಿನ ಹಂಗಿಂದ ಬಂದ ಲಿಂಗವನರಿಯರಾಗಿ,
ರುದ್ರನ ಹಂಗಿಂದ ಬಂದ ಜಂಗಮವನರಿಯರಾಗಿ,
ಅಹಂಕಾರವ ಮರೆದಲ್ಲಿಯೆ ಗುರುವನರಿದವ,
ಚಿತ್ತದ ಪ್ರಕೃತಿಯ ಹರಿದಲ್ಲಿಯೆ ಲಿಂಗವನರಿದವ,
ಮಾಟಕೂಟದ ಅಲಸಿಕೆಯ ಮರೆದಾಗವೆ ಜಂಗಮವನರಿದವ.
ಇಂತೀ ತ್ರಿವಿಧಸ್ಥಲನಿರತಂಗಲ್ಲದೆ ವರ್ಮವಿಲ್ಲಾ ಎಂದೆ.
ಖ್ಯಾತಿ ಲಾಭಕ್ಕೆ ಮಾಡುವಾತನ ಭಕ್ತಿ, ಅಗ್ನಿಯಲ್ಲಿ ಬಿದ್ದ ಬಣ್ಣವನರಸುವಂತೆ,
ನಿಃಕಳಂಕ ಮಲ್ಲಿಕಾರ್ಜುನಾ.
Transliteration Guruvanariyada kāraṇa tanu saveyabēkembaru.
Liṅgavanariyada kāraṇa mana saveyabēkembaru.
Jaṅgamavanariyada kāraṇa dhana saveyabēkembaru.
Intī trividhavanariyada kāraṇa māṭakūṭakke
manegaṭṭi māḍuttirdarayyā mahāgaṇaṅgaḷu,
tāvu sva'icphāpararallade.
Brahmana haṅginda banda guruvanariyarāgi,
Viṣṇuvina haṅginda banda liṅgavanariyarāgi,
rudrana haṅginda banda jaṅgamavanariyarāgi,
ahaṅkārava maredalliye guruvanaridava,
cittada prakr̥tiya haridalliye liṅgavanaridava,
māṭakūṭada alasikeya maredāgave jaṅgamavanaridava.
Intī trividhasthalanirataṅgallade varmavillā ende.
Khyāti lābhakke māḍuvātana bhakti, agniyalli bidda baṇṇavanarasuvante,
niḥkaḷaṅka mallikārjunā.
