ಜ್ಯೋತಿಯ ಬೆಳಗಿನಲ್ಲಿ ನೋಡಿ ಜ್ಯೋತಿಯ ಪಟವ ಕಾಬಂತೆ,
ಕಣ್ಣಿನಿಂದ ಕನ್ನಡಿಯ ನೋಡಿ ಕಣ್ಣ ಕಲೆಯ ಕಾಬಂತೆ,
ತನ್ನಿಂದ ತಾ ನೋಡಿ ತನ್ನನರಿಯಬೇಕು.
ತನ್ನನರಿಯದವ ನಿಮ್ಮನೆತ್ತಬಲ್ಲನೋ ?
ತನ್ನನರಿವುದಕ್ಕೆ ದೃಷ್ಟವ ಕೈಯಲ್ಲಿ ಕೊಟ್ಟು
ಕಾಣದುದಕ್ಕೆ ಚಿತ್ತವ ನೆನಹಿಂಗಿತ್ತ.
ಚಿತ್ತ ಇಷ್ಟದಲ್ಲಿ ಅಚ್ಚೊತ್ತಿದ ಮತ್ತೆ ದೃಷ್ಟವ ಕಾಬುದಿನ್ನೇನೋ ?
ಉರಿಯೊಳಗಣ ಕರ್ಪುರ, ಅನಿಲನೊಳಗಣ ಪಾವಕ,
ಶಿಲೆಯುಂಡ ಎಣ್ಣೆ ಅಳತೆಗೆ ಉಂಟೇ ಅಯ್ಯಾ.
ಲಿಂಗವ ಮೆಚ್ಚಿದ ಅಂಗಕ್ಕೆ ಜಗದ ಹಂಗಿಲ್ಲ.
ಅನಂಗ, ಅತೀತ ನಿಃಕಳಂಕ ಮಲ್ಲಿಕಾರ್ಜುನಲಿಂಗವೇ
ತಾನಾದ ಶರಣಂಗೆ.
Transliteration (Vachana in Roman Script) Jyōtiya beḷaginalli nōḍi jyōtiya paṭava kābante,
kaṇṇininda kannaḍiya nōḍi kaṇṇa kaleya kābante,
tanninda tā nōḍi tannanariyabēku.
Tannanariyadava nim'manettaballanō?
Tannanarivudakke dr̥ṣṭava kaiyalli koṭṭu
kāṇadudakke cittava nenahiṅgitta.
Citta iṣṭadalli accottida matte dr̥ṣṭava kābudinnēnō?
Uriyoḷagaṇa karpura, anilanoḷagaṇa pāvaka,
śileyuṇḍa eṇṇe aḷatege uṇṭē ayyā.
Liṅgava meccida aṅgakke jagada haṅgilla.
Anaṅga, atīta niḥkaḷaṅka mallikārjunaliṅgavē
tānāda śaraṇaṅge.
Read More
