ಗಂಡನಿಂದ ಹೆಂಡತಿ ಮೊದಲು ಹುಟ್ಟಿದಳು,
ಆ ಗಂಡನಿಂದ ಕಿರಿಯಳಲ್ಲದೆ ಹಿರಿಯಳಲ್ಲವಯ್ಯ.
ಗುರುವಿನಿಂದ ಈ ಶಿಷ್ಯ ಅರಿವುಳ್ಳವನಾದರೆ
ಭೃತ್ಯನಲ್ಲದೆ ಕರ್ತನಲ್ಲವಯ್ಯ.
ಕುದುರೆಯ ಹಿಡಿವಂತ ಡಾಣಕ
ರಾವುತಿಕೆಯ ಮಾಡಿದರೊಪ್ಪುವರೆ ?
ಆಳಾಗಿದ್ದವನು ಅರಸಾಗಿದ್ದರೊಪ್ಪುವರೆ ?
ತಂದೆಗೆ ಮಗ ದೊಡ್ಡವನಾಗಬಲ್ಲನೆ ?
ಇದು ಕಾರಣ ಶಿಷ್ಯರಿಗೆ ಭಯಭಕ್ತಿ ಕಿಂಕುರ್ವಾಣವಿರಬೇಕು.
ಇಲ್ಲದಿರ್ದಡೆ ಅವ ಶಿಷ್ಯನಲ್ಲ, ಶಿವಭಕ್ತನಲ್ಲ.
ಅವ ಭವಿಯೆಂಬೆ ಕಾಣಾ
ಅಖಂಡ ಪರಿಪೂರ್ಣ ಘನಲಿಂಗಗುರು
ಚೆನ್ನಬಸವೇಶ್ವರ ಶಿವಸಾಕ್ಷಿಯಾಗಿ.
Transliteration Gaṇḍaninda heṇḍati modalu huṭṭidaḷu,
ā gaṇḍaninda kiriyaḷallade hiriyaḷallavayya.
Guruvininda ī śiṣya arivuḷḷavanādare
bhr̥tyanallade kartanallavayya.
Kudureya hiḍivanta ḍāṇaka
rāvutikeya māḍidaroppuvare?
Āḷāgiddavanu arasāgiddaroppuvare?
Tandege maga doḍḍavanāgaballane?
Idu kāraṇa śiṣyarige bhayabhakti kiṅkurvāṇavirabēku.
Illadirdaḍe ava śiṣyanalla, śivabhaktanalla.
Ava bhaviyembe kāṇā
akhaṇḍa paripūrṇa ghanaliṅgaguru
cennabasavēśvara śivasākṣiyāgi.
