ಗುರುಮುಖದಲ್ಲಿ ಕೊಂಬುದು ಗುರುಪ್ರಸಾದ.
ಲಿಂಗಮುಖದಲ್ಲಿ ಕೊಂಬುದು ನಿತ್ಯಪ್ರಸಾದ.
ಜಂಗಮಮುಖದಲ್ಲಿ ಕೊಂಬುದು ಜ್ಞಾನಪ್ರಸಾದ.
ಜ್ಞಾನಮುಖದಲ್ಲಿ ಕೊಂಬುದು ಸಿದ್ಧಪ್ರಸಾದ.
ಇಂತೀ ಪ್ರಸಾದ ನಾಲ್ಕು ಸ್ಥಿರನಲ್ಲದೆ ಭ್ರಾಂತುಗೊಂಡ
ಬ್ರಹ್ಮರಾಕ್ಷಸನಂತೆ ಉಂಡುಂಡುಳುಹಿಬಿಟ್ಟು ಹೋಗುವ
ಭಂಡರ ಭಕ್ತಿಯ ಯಮಗುಂಡದೊಳಗಿಕ್ಕುವೆ ಕಾಣಾ
ಅಖಂಡ ಪರಿಪೂರ್ಣ ಘನಲಿಂಗಗುರು
ಚೆನ್ನಬಸವೇಶ್ವರ ಶಿವಸಾಕ್ಷಿಯಾಗಿ.
Transliteration Gurumukhadalli kombudu guruprasāda.
Liṅgamukhadalli kombudu nityaprasāda.
Jaṅgamamukhadalli kombudu jñānaprasāda.
Jñānamukhadalli kombudu sid'dhaprasāda.
Intī prasāda nālku sthiranallade bhrāntugoṇḍa
brahmarākṣasanante uṇḍuṇḍuḷuhibiṭṭu hōguva
bhaṇḍara bhaktiya yamaguṇḍadoḷagikkuve kāṇā
akhaṇḍa paripūrṇa ghanaliṅgaguru
cennabasavēśvara śivasākṣiyāgi.
