ಪರದೈವ ಪತಿಪೂಜೆಯ ಬಿಟ್ಟು
ಇಷ್ಟವನರಿಯದೆ ಹೊಟ್ಟೆಯ ಹೊರಕೊಂಬ
ಭ್ರಷ್ಟಬಂಟರು ನೀವು ಕೇಳಿರೊ.
ಪಂಚಮಾಪಾತಕವಬಿಟ್ಟಡೆ ಬಿಟ್ಟುದು.
ಪ್ರಪಂಚ ಬಿಟ್ಟಡೆ ಪತಿಪೂಜೆಯ ಬಿಟ್ಟುದು.
ನುಡಿ ಎರಡಿಲ್ಲದೆ ನಡೆಯಬಲ್ಲಡೆ ಒಡೆಯನ ಕಟ್ಟಳೆ.
ನಂಬಿಸಿ ಒಡಲ ಹೊರೆಯದಿರ್ದುದೆ ಒಡೆಯನ ಕಟ್ಟಳೆ.
ಪಾತ್ರ ಸತ್ಪಾತ್ರವರಿತು ಕೊಡಬಲ್ಲಡೆ ಬಿಡುಗಡೆ.
ಇಂತಲ್ಲದೆ ವಾರ್ತೆಕೀರ್ತಿಗೆ ಕೊಂಡಾಡಿಸಿಕೊಂಡು
ಕೊಡುವ ಧೂರ್ತ ಹೊಲೆಯರ ಮುಖವ ನೋಡಲಾಗದು
ಅಖಂಡ ಪರಿಪೂರ್ಣ ಘನಲಿಂಗಗುರು
ಚೆನ್ನಬಸವೇಶ್ವರ ಶಿವಸಾಕ್ಷಿಯಾಗಿ.
Transliteration Paradaiva patipūjeya biṭṭu
iṣṭavanariyade hoṭṭeya horakomba
bhraṣṭabaṇṭaru nīvu kēḷiro.
Pan̄camāpātakavabiṭṭaḍe biṭṭudu.
Prapan̄ca biṭṭaḍe patipūjeya biṭṭudu.
Nuḍi eraḍillade naḍeyaballaḍe oḍeyana kaṭṭaḷe.
Nambisi oḍala horeyadirdude oḍeyana kaṭṭaḷe.
Pātra satpātravaritu koḍaballaḍe biḍugaḍe.
Intallade vārtekīrtige koṇḍāḍisikoṇḍu
koḍuva dhūrta holeyara mukhava nōḍalāgadu
akhaṇḍa paripūrṇa ghanaliṅgaguru
cennabasavēśvara śivasākṣiyāgi.
