ಗುರುವಿನಲ್ಲಿ ಕುಲ ವಿದ್ಯೆ ಗುಣ ಅವಗುಣವ
ನೋಡುವವ ಒಂದನೆಯ ಪಾತಕ.
ತೀರ್ಥಲಿಂಗದ ನಿಜನಿಲುಕಡೆ ನಿತ್ಯ ಅನಿತ್ಯವ
ನೋಡುವವ ಎರಡನೆಯ ಪಾತಕ.
ತೀರ್ಥದಲ್ಲಿ ತಿಳಿ ಕಲಕ
ನೋಡುವವ ಮೂರನೆಯ ಪಾತಕ.
ಪ್ರಸಾದದಲ್ಲಿ ರುಚಿಯರುಚಿಯ
ನೋಡುವವ ನಾಲ್ಕನೆಯ ಪಾತಕ.
ಜಂಗಮದಲ್ಲಿ ಜಾತಿ -ಅಜಾತಿಯ ನೋಡುವವ
ಪಂಚಮಹಾಪಾತಕರುಗಳು
ಕುಂಭೀಮಯ ನರಕದಲ್ಲಿ ಕುಲಕೋಟಿ ಬೀಳುವರು ಕಾಣಾ
ಅಖಂಡ ಪರಿಪೂರ್ಣ ಘನಲಿಂಗಗುರು
ಚೆನ್ನಬಸವೇಶ್ವರ ಶಿವಸಾಕ್ಷಿಯಾಗಿ.
Transliteration Guruvinalli kula vidye guṇa avaguṇava
nōḍuvava ondaneya pātaka.
Tīrthaliṅgada nijanilukaḍe nitya anityava
nōḍuvava eraḍaneya pātaka.
Tīrthadalli tiḷi kalaka
nōḍuvava mūraneya pātaka.
Prasādadalli ruciyaruciya
nōḍuvava nālkaneya pātaka.
Jaṅgamadalli jāti -ajātiya nōḍuvava
pan̄camahāpātakarugaḷu
kumbhīmaya narakadalli kulakōṭi bīḷuvaru kāṇā
akhaṇḍa paripūrṇa ghanaliṅgaguru
cennabasavēśvara śivasākṣiyāgi
