ಇನ್ನೂರ ಇಪ್ಪತ್ತನಾಲ್ಕು ಭುವನಂಗಳು, ಆ ಭುವನಾಧಿಪತಿಗಳ
ಆ ಭುವನಗಣಂಗಳ ವಿಸ್ತೀರ್ಣವೆಂತೆಂದೊಡೆ:
ಚತುರ್ದಶ ಭುವನಂಗಳ ಸಪ್ತಸಮುದ್ರಂಗಳ
ಸಪ್ತದ್ವೀಪಂಗಳ ಸಪ್ತಕುಪರ್ವತಂಗಳ
ಸಪ್ತಗೃಹರಾಶಿ ತಾರಾಪಥಂಗಳನು ಗರ್ಭೀಕರಿಸಿದ ಬ್ರಹ್ಮಾಂಡ;
ಅಂಥ ಬ್ರಹ್ಮಾಂಡವ ಸಾವಿರದೆಂಟು ಬ್ರಹ್ಮಾಂಡವನೊಳಕೊಂಡುದೊಂದು
ಅನಾಶ್ರಿತವೆಂಬ ಭುವನ.
ಆ ಭುವನದೊಳು ಅನಂಗೇಶ್ವರನೆಂಬ ರುದ್ರಮೂರ್ತಿ ಇಹನು.
ಆ ರುದ್ರಮೂರ್ತಿಯ ಓಲಗದಲ್ಲಿ
ಐದುಕೋಟಿ ರುದ್ರ ಬ್ರಹ್ಮ ನಾರಾಯಣರು,
ಐದುಕೋಟಿ ಇಂದ್ರ ಚಂದ್ರಾದಿತ್ಯರು,
ಐದುಕೋಟಿ ವೇದಪುರುಷರು ಮುನೀಂದ್ರರು,
ಮೂವತ್ನಾಲ್ಕುಕೋಟಿ ದೇವರ್ಕಳಿಹರು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Innūra ippattanālku bhuvanaṅgaḷu, ā bhuvanādhipatigaḷa
ā bhuvanagaṇaṅgaḷa vistīrṇaventendoḍe:
Caturdaśa bhuvanaṅgaḷa saptasamudraṅgaḷa
saptadvīpaṅgaḷa saptakuparvataṅgaḷa
saptagr̥harāśi tārāpathaṅgaḷanu garbhīkarisida brahmāṇḍa;
antha brahmāṇḍava sāviradeṇṭu brahmāṇḍavanoḷakoṇḍudondu
anāśritavemba bhuvana.
Ā bhuvanadoḷu anaṅgēśvaranemba rudramūrti ihanu.
Ā rudramūrtiya ōlagadalli
aidukōṭi rudra brahma nārāyaṇaru,
aidukōṭi indra candrādityaru,
aidukōṭi vēdapuruṣaru munīndraru,
mūvatnālkukōṭi dēvarkaḷiharu nōḍā
apramāṇakūḍalasaṅgamadēvā.
