ಅಂಥ ಬ್ರಹ್ಮಾಂಡವ ತೊಂಬತ್ತು ಮೂರು ಸಾವಿರದ
ಒಂಬೈನೂರಾ ಇಪ್ಪತ್ತೆಂಟು
ಬ್ರಹ್ಮಾಂಡವನೊಳಕೊಂಡುದೊಂದು ಮಹಾಲಯವೆಂಬ ಭುವನ.
ಆ ಭುವನದೊಳು ಮಹಾಭೈರವನೆಂಬ ರುದ್ರಮೂರ್ತಿ ಇಹನು.
ಆ ರುದ್ರಮೂರ್ತಿಯ ಓಲಗದಲ್ಲಿ
ನಾನೂರರುವತ್ತೈದುಕೋಟಿ ರುದ್ರ-ಬ್ರಹ್ಮ-ನಾರಾಯಣರಿಹರು ನೋಡಾ.
ನಾನೂರರುವತ್ತೈದುಕೋಟಿ ಇಂದ್ರ-ಚಂದ್ರಾದಿತ್ಯರು
ವೇದಪುರುಷರು ಮುನೀಂದ್ರರು ದೇವರ್ಕಳಿಹರು ನೋಡಾ.
ಅಪ್ರಮಾಣಕೂಡಲಸಂಗಮದೇವಾ.
Transliteration Antha brahmāṇḍava tombattu mūru sāvirada
ombainūrā ippatteṇṭu
brahmāṇḍavanoḷakoṇḍudondu mahālayavemba bhuvana.
Ā bhuvanadoḷu mahābhairavanemba rudramūrti ihanu.
Ā rudramūrtiya ōlagadalli
nānūraruvattaidukōṭi rudra-brahma-nārāyaṇariharu nōḍā.
Nānūraruvattaidukōṭi indra-candrādityaru
vēdapuruṣaru munīndraru dēvarkaḷiharu nōḍā.
Apramāṇakūḍalasaṅgamadēvā.
