ಪ್ರಾಣನ ಪೂರ್ವಾಶ್ರಯವಳಿದು ಲಿಂಗ ನೆನಹು ಸಂಬಂಧಿಸಿದ
ಪ್ರಾಣಲಿಂಗಿಯ ಅಂಗವು ಹೇಂಗಿಹುದಯ್ಯ ಎಂದರೆ:
ಲಿಂಗ ನೆನಹೆ ಹಿಂಚಾಗಿ ಲಿಂಗ ನೆನಹೆ ಮುಂಚಾಗಿಹುದಯ್ಯ.
ಅಂಗವಿಷಯಂಗಳೆ ಹಿಂಚಾಗಿ
ಲಿಂಗವಿಷಯಂಗಳೆ ಮುಂಚಾಗಿಪ್ಪುದಯ್ಯ.
ಆವಾಗಲು ಲಿಂಗಸಹಿತವಾಗಿಯೆ
ಇಂದ್ರಿಯಂಗಳ ಭೋಗವ ಭೋಗಿಸುತಿಪ್ಪುದಯ್ಯ.
ಭೋಗಿಸುವ ಕ್ರಮವೆಂತುಟಯ್ಯ ಎಂದಡೆ:
ಘ್ರಾಣ, ಜಿಹ್ವೆ, ನೇತ್ರ, ತ್ವಕ್ಕು, ಶ್ರೋತ್ರವೆಂಬ ಮುಖದ್ವಾರಂಗಳಲ್ಲಿ
ಆಚಾರಲಿಂಗ ಗುರುಲಿಂಗ ಶಿವಲಿಂಗ
ಜಂಗಮಲಿಂಗ ಪ್ರಸಾದಲಿಂಗವೆಂಬ
ಲಿಂಗಸ್ಥಲಂಗಳ ಮೂರ್ತಿಗೊಳಿಸಿ
ಶಬ್ದ ಸ್ಪರ್ಶ ರೂಪು ರಸ ಗಂಧಂಗಳೆಂಬ ಈ ಪದಾರ್ಥಂಗಳ
ಲಿಂಗಮುಖಕ್ಕೆ ನೈವೇದಿಸಿ
ಆ ಲಿಂಗದ ಪ್ರಸನ್ನ ಪ್ರಸಾದವ ಸ್ವೀಕರಿಸುತಿಪ್ಪಾತನೆ
ಪ್ರಾಣಲಿಂಗಿ ಲಿಂಗಪ್ರಾಣಿಯಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Prāṇana pūrvāśrayavaḷidu liṅga nenahu sambandhisida
prāṇaliṅgiya aṅgavu hēṅgihudayya endare:
Liṅga nenahe hin̄cāgi liṅga nenahe mun̄cāgihudayya.
Aṅgaviṣayaṅgaḷe hin̄cāgi
liṅgaviṣayaṅgaḷe mun̄cāgippudayya.
Āvāgalu liṅgasahitavāgiye
indriyaṅgaḷa bhōgava bhōgisutippudayya.
Bhōgisuva kramaventuṭayya endaḍe:
Ghrāṇa, jihve, nētra, tvakku, śrōtravemba mukhadvāraṅgaḷalli
Ācāraliṅga guruliṅga śivaliṅga
jaṅgamaliṅga prasādaliṅgavemba
liṅgasthalaṅgaḷa mūrtigoḷisi
śabda sparśa rūpu rasa gandhaṅgaḷemba ī padārthaṅgaḷa
liṅgamukhakke naivēdisi
ā liṅgada prasanna prasādava svīkarisutippātane
prāṇaliṅgi liṅgaprāṇiyayya,
mahāliṅgaguru śivasid'dhēśvara prabhuvē.
