ಅಂಗಡಿಯ ಬೀದಿಯಲ್ಲಿ ಕೊಂಗಿತಿ ಕುಳಿತು
ಭಂಗವ ಮಾರುತಿಪ್ಪಳು ನೋಡಾ.
ಆಕೆಗೆ ಹರಿಗೆಯ ಪಂಗನೆಂಬವ ಗಂಡನಾಗಿಪ್ಪನು ನೋಡಾ.
ಅಂಗಡಿಯ ಬೀದಿಯ ಮುಚ್ಚಿ,
ಕೊಂಗಿತಿಯ ಕೋಡ ಮುರಿದು,
ಹರಿಗೆಯ ಪಂಗನ ಕೊಂದಲ್ಲದೆ,
ಲಿಂಗವ ಕಾಣಬಾರದು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Aṅgaḍiya bīdiyalli koṅgiti kuḷitu
bhaṅgava mārutippaḷu nōḍā.
Ākege harigeya paṅganembava gaṇḍanāgippanu nōḍā.
Aṅgaḍiya bīdiya mucci,
koṅgitiya kōḍa muridu,
harigeya paṅgana kondallade,
liṅgava kāṇabāradu kāṇā,
mahāliṅgaguru śivasid'dhēśvara prabhuvē.
