ಅಂಗಲಿಂಗ ಸಂಬಂಧದ ನಿಲುಕಡೆಯನರಿಯದೆ
ಅಘೋರತಪವ ಮಾಡಿದರೇನು?
ಗಾಳಿಯಾಹಾರವ ಕೊಂಡರೇನು?
ತರಗೆಲೆಯ ಮೆದ್ದರೇನು?
ಗಿರಿಗಹ್ವರದೊಳಗಿದ್ದರೇನು?
ಅಂಗಲಿಂಗಸಂಬಂಧಿಗಳಾಗಬಲ್ಲರೆ.
ಅಂಗಲಿಂಗಸಂಗಂದಿಂದಲ್ಲದೆ,
ಅಂತರಂಗದಲ್ಲಿ ಅರುಹು ತಲೆದೋರದು.
ಅಂತರಂಗದಲ್ಲಿ ಅರುಹು ತಲೆದೋರಿದಲ್ಲದೆ,
ಆತ್ಮಲಿಂಗದ ಆದ್ಯಂತವನರಿಯಬಾರದು.
ಆತ್ಮಲಿಂಗದ ಆದ್ಯಂತವನರಿಯದೆ ಅಘೋರ ತಪವಮಾಡಿದರೆ
ಅದೇತಕ್ಕೂ ಪ್ರಯೋಜನವಲ್ಲ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Aṅgaliṅga sambandhada nilukaḍeyanariyade
aghōratapava māḍidarēnu?
Gāḷiyāhārava koṇḍarēnu?
Tarageleya meddarēnu?
Girigahvaradoḷagiddarēnu?
Aṅgaliṅgasambandhigaḷāgaballare.
Aṅgaliṅgasaṅgandindallade,
antaraṅgadalli aruhu taledōradu.
Antaraṅgadalli aruhu taledōridallade,
ātmaliṅgada ādyantavanariyabāradu.
Ātmaliṅgada ādyantavanariyade aghōra tapavamāḍidare
adētakkū prayōjanavalla kāṇā,
mahāliṅgaguru śivasid'dhēśvara prabhuvē.
