ಗುರುವಿನ ಮೂರ್ತಿ ನಿರಾಕಾರವು ನೋಡಾ.
ಲಿಂಗದ ಮೂರ್ತಿ ಆಕಾರವು ನೋಡಾ.
ಆ ನಿರಾಕಾರ ಸ್ವರೂಪವಪ್ಪ ಗುರುವಿನ ಪ್ರಸಾದವ
ಆಕಾರ ಸ್ವರೂಪವಪ್ಪ ಲಿಂಗಕ್ಕೆ ಕೊಡಬೇಕೆಂಬುವುದೇ
ಶಿವಾಚಾರ ಪಥ ನೋಡಾ.
ಆ ಗುರುಪ್ರಸಾದವ ಅಂಗಕ್ಕೆ ಕೊಡಬಹುದು
ಲಿಂಗಕ್ಕೆ ಕೊಡಬಾರದೆಂಬ
ಅನಾಚಾರಿಯ ಮುಖವ ನೋಡಲಾಗದು ಕಾಣಾ.
ಗುರುವಿನಿಂದ ಲಿಂಗವ ಪಡೆಯಬಹುದಂತೆ.
ಗುರು ಮುಖದಿಂದ ಬಂದ ಪ್ರಸಾದವ ಲಿಂಗಕ್ಕೆ ಕೊಡಬಾರದೆಂಬ
ಮರುಳು ಮಾನವರ ಮಾಯಾ ಭ್ರಾಂತಿಯ ನೋಡಿ
ನಾನು ಹೇಸಿದೆನು ಕಾಣಾ
ಅದೆಂತೆಂದೊಡೆ:
'ಅಶರೀರಂ ಗುರೋರ್ಭಾವ ಆಕಾರಂ ಲಿಂಗ ಮೂರ್ತಿಷು।
ಅನಂಗ ಸಂಗ ಸಂಯುಕ್ತಂ ಗುರೋರ್ಲಿಂಗ ಸಮಾಶ್ರಿತ೦ll’
ಇಂತೆದುದಾಗಿ
ಗುರುಪ್ರಸಾದವ ಲಿಂಗಕ್ಕೆ ಕೊಡಬೇಕು ಕಾಣಾ.
ಆ ಗುರುಪ್ರಸಾದದಿಂದ ಲಿಂಗಕ್ಕೆ ಪರಮ ಪರಿಣಾಮವಪ್ಪುದು
ತಪ್ಪದು ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Guruvina mūrti nirākāravu nōḍā.
Liṅgada mūrti ākāravu nōḍā.
Ā nirākāra svarūpavappa guruvina prasādava
ākāra svarūpavappa liṅgakke koḍabēkembuvudē
śivācāra patha nōḍā.
Ā guruprasādava aṅgakke koḍabahudu
liṅgakke koḍabārademba
anācāriya mukhava nōḍalāgadu kāṇā.
Guruvininda liṅgava paḍeyabahudante.
Guru mukhadinda banda prasādava liṅgakke koḍabārademba
Maruḷu mānavara māyā bhrāntiya nōḍi
nānu hēsidenu kāṇā
adentendoḍe:
'Aśarīraṁ gurōrbhāva ākāraṁ liṅga mūrtiṣu।
anaṅga saṅga sanyuktaṁ gurōrliṅga samāśrita0ll’
intedudāgi
guruprasādava liṅgakke koḍabēku kāṇā.
Ā guruprasādadinda liṅgakke parama pariṇāmavappudu
tappadu nōḍā,
mahāliṅgaguru śivasid'dhēśvara prabhuvē.
