ನಿಷ್ಠೆಯಿಂದ ಕೊಂಬುದು ದ್ರವ್ಯಪ್ರಸಾದ.
ತೃಪ್ತಿಯಿಂದ ಭೋಗಿಸುವದು ಕರುಣಪ್ರಸಾದ.
ಅರಿವಿನ ಮುಖದಿಂದ ಕುರುಹಳಿದು ಕೊಂಬುದು
ಎರಡಳಿದ ಪ್ರಸಾದ.
ಆ ಪ್ರಸಾದ ಮಹಾಪ್ರಸಾದವಾಗಲಾಗಿ
ವರುಷ ವರುಷಕ್ಕೆ ಇದಿರೆಡೆಗೆಟ್ಟಂತೆ
ಉರಿ ಉರಿಯೆಡೆ ಸುಡಲಿಲ್ಲದ ತೆರನಂತೆ
ಮುಕುರ ಮುಕುರಕ್ಕೆ ಕಳೆಬೆಳಗೊಡಗೂಡಿದಂತೆ.
ಇಂತೀ ಪ್ರಸಾದ ಅಂಗವಾದ ನಿರಂಗಿಯ ತೆರ.
ದಹನ ಚಂಡಿಕೇಶ್ವರಲಿಂಗವೆ ಅಂಗವಾದವನ ಸಂಗ.
Transliteration Niṣṭheyinda kombudu dravyaprasāda.
Tr̥ptiyinda bhōgisuvadu karuṇaprasāda.
Arivina mukhadinda kuruhaḷidu kombudu
eraḍaḷida prasāda.
Ā prasāda mahāprasādavāgalāgi
varuṣa varuṣakke idireḍegeṭṭante
uri uriyeḍe suḍalillada teranante
mukura mukurakke kaḷebeḷagoḍagūḍidante.
Intī prasāda aṅgavāda niraṅgiya tera.
Dahana caṇḍikēśvaraliṅgave aṅgavādavana saṅga.
Music
Courtesy: Program Name :Vachanothsava - Belagina Belaginalli, Singer Name : M.S Sheela, Music Director : S. Shankar, Music Label : Lahari Music
