ಇಡಾ ಪಿಂಗಳ ಸುಷುಮ್ನ ಗಾಂಧಾರಿ ಹಸ್ತಿ ಜಿಂಹ್ವೆ
ಪೂಷ ಪಯಶ್ಚಿನಿ ಲಕುಹ ಅಲಂಬು ಶಂಕಿನಿಯೆಂಬ
ದಶನಾಳಂಗಳು ತಾನಿರ್ದಲ್ಲಿ.
ಇಡಾ ಪಿಂಗಳ ಸುಷುಮ್ನನಾಳ ಮೊದಲಾದ
ದಶನಾಳಂಗಳೊಳಾಡುವ ವಾಯು
ಪ್ರಾಣ ಅಪಾನ ವ್ಯಾನ ಉದಾನ
ಸಮಾನ ನಾಗ ಕೂರ್ಮ ಕ್ರಕರ ದೇವದತ್ತ
ಧನಂಜಯನೆಂಬ ದಶವಾಯುಗಳು ತಾನಿರ್ದಲ್ಲಿ.
ಅಗ್ನಿಮಂಡಲ ಆದಿತ್ಯಮಂಡಲ ಚಂದ್ರಮಂಡಲವೆಂಬ
ಮಂಡಲತ್ರಯಂಗಳು ತಾನಿರ್ದಲ್ಲಿ.
ತಾನೆ ಯಂತ್ರವಾಹಕನಾಗಿ ಇವೆಲ್ಲವ ತನ್ನ ಲೀಲಾವಿಲಾಸ
ಸೂತ್ರಮಾತ್ರದಲ್ಲಿಯೇ ಆಡಿಸುತ್ತಿಹನಲ್ಲದೆ
ತಾನಾಡನು ತಾ ನೋಡನು ನೋಡಾ
ನಮ್ಮ ಅಪ್ರಮಾಣಕೂಡಲಸಂಗಮದೇವ.
Transliteration Iḍā piṅgaḷa suṣumna gāndhāri hasti jinhve
pūṣa payaścini lakuha alambu śaṅkiniyemba
daśanāḷaṅgaḷu tānirdalli.
Iḍā piṅgaḷa suṣumnanāḷa modalāda
daśanāḷaṅgaḷoḷāḍuva vāyu
prāṇa apāna vyāna udāna
samāna nāga kūrma krakara dēvadatta
dhanan̄jayanemba daśavāyugaḷu tānirdalli.
Agnimaṇḍala ādityamaṇḍala candramaṇḍalavemba
maṇḍalatrayaṅgaḷu tānirdalli.
Tāne yantravāhakanāgi ivellava tanna līlāvilāsa
sūtramātradalliyē āḍisuttihanallade
tānāḍanu tā nōḍanu nōḍā
nam'ma apramāṇakūḍalasaṅgamadēva.
