ಪಿಂಗಳನಾಳದಲ್ಲಿ ಆಡುವ ಸೂರ್ಯನ ದೇವರೆಂಬರು;
ಆ ಸೂರ್ಯ ದೇವರಲ್ಲ ನೋಡಾ.
ಇಡಾನಾಳದಲ್ಲಿ ಆಡುವ ಚಂದ್ರನ ದೇವರೆಂಬರು;
ಆ ಚಂದ್ರನು ದೇವರಲ್ಲ ನೋಡಾ.
ಸುಷುಮ್ನನಾಳದಲ್ಲಿ ಆಡುವ ಜೀವಾತ್ಮನ ದೇವರೆಂಬರು;
ಆ ಜೀವಾತ್ಮನು ದೇವರಲ್ಲ ನೋಡಾ.
ಆ ಇಡಾ ಪಿಂಗಳ ಸುಷುಮ್ನ ನಾಳದೊಳಾಡುವ
ಚಂದ್ರ ಸೂರ್ಯ ಜೀವಾತ್ಮರಿಗೆ ಪರಬ್ರಹ್ಮವೇ ಜನಕನೆಂದರಿದು
ಆ ಪರಬ್ರಹ್ಮವೇ ತಾನೆಂದರಿದಡೆ ತಾನೆ ದೇವ ನೋಡಾ,
ಅಪ್ರಮಾಣಕೂಡಲಸಂಗಮದೇವ.
Transliteration Piṅgaḷanāḷadalli āḍuva sūryana dēvarembaru;
ā sūrya dēvaralla nōḍā.
Iḍānāḷadalli āḍuva candrana dēvarembaru;
ā candranu dēvaralla nōḍā.
Suṣumnanāḷadalli āḍuva jīvātmana dēvarembaru;
ā jīvātmanu dēvaralla nōḍā.
Ā iḍā piṅgaḷa suṣumna nāḷadoḷāḍuva
candra sūrya jīvātmarige parabrahmavē janakanendaridu
ā parabrahmavē tānendaridaḍe tāne dēva nōḍā,
apramāṇakūḍalasaṅgamadēva.
