ದೇಹ ಪ್ರಾಣ ಇಂದ್ರಿಯ ಕರಣಂಗಳ ಕೂಡಿ
ವರ್ತಿಸುತ್ತಿಹುದು ನೋಡಾ ಜೀವಾತ್ಮನು.
ದೇಹ ಪ್ರಾಣ ಇಂದ್ರಿಯಂಗಳನತಿಗಳೆದು ಕರಣಂಗಳ ಕೂಡಿ
ವರ್ತಿಸುತ್ತಿಹುದು ನೋಡಾ ಅಂತರಾತ್ಮನು.
ದೇಹ ಪ್ರಾಣ ಇಂದ್ರಿಯ ಕರಣಂಗಳನತಿಗಳೆದು
ಒಬ್ಬನೆ ನಿಶ್ಚಿಂತನಾಗಿಹನು ನೋಡಾ ಪರಮಾತ್ಮನು
ಅಪ್ರಮಾಣಕೂಡಲಸಂಗಮದೇವಾ.
Transliteration Dēha prāṇa indriya karaṇaṅgaḷa kūḍi
vartisuttihudu nōḍā jīvātmanu.
Dēha prāṇa indriyaṅgaḷanatigaḷedu karaṇaṅgaḷa kūḍi
vartisuttihudu nōḍā antarātmanu.
Dēha prāṇa indriya karaṇaṅgaḷanatigaḷedu
obbane niścintanāgihanu nōḍā paramātmanu
apramāṇakūḍalasaṅgamadēvā.
