ಮಡಿವಾಳ ಮಾಚಿದೇವ   
  •  
  •  
  •  
  •  


Index   ವಚನ - 117    Search  
 
ಕಳ್ಳಬುದ್ಧಿಯೆಡೆಗೊಂಡು ಕರ್ಮಗೇಡಿಯಾಗಿ ಹೋಗಬೇಡವೆಂದು ಷೋಡಶೋಪಚಾರದಿಂದ ಶ್ರೀಗುರು ಭಕ್ತಿಯ ತೋರಿ, ಸತ್ಯ ಸದಾಚಾರ ಧರ್ಮ ನೆಲೆಗೊಳ್ಳಬೇಕೆಂದು, ಸಾಹಿತ್ಯ ಸಂಬಂಧವ ಕೊಟ್ಟು, ಶ್ರೀಗುರು ಉಪದೇಶವ ಹೇಳಿದ ಮಾರ್ಗದಿ ನಡೆಯಲೊಲ್ಲದೆ, ನಾಯಿಜಾತಿಗಳು ಕೀಳುಜಾತಿಗಳು ದೈವದ ಜಾತ್ರೆಗೆ ಹೋಗಿ, ಬೆನ್ನಸಿಡಿಯನೇರಿಸಿಕೊಂಡು, ಅಂಗ ಲಿಂಗಕ್ಕೆರವಾಗಿ, ತಾಳಿ ತಗಡಿ ಮಾಡಿ, ಮನೆದೈವವೆಂದು ಕೊರಳಿಗೆ ಕಟ್ಟಿಕೊಂಡು ಮರಳಿ ಉಣಲಿಕ್ಕಿಲ್ಲದಿರ್ದಡೆ, ಮಾರಿಕೊಂಡು ತಿಂಬ ಕೀಳುಜಾತಿಗೆ ಏಳೇಳುಜನ್ಮದಲ್ಲಿ ಕಾಗೆ ಬಾಯಲಿ ತಿಂಬ ನರಕ ತಪ್ಪದೆಂದ, ಕಲಿದೇವರದೇವ.
Transliteration Kaḷḷabud'dhiyeḍegoṇḍu karmagēḍiyāgi hōgabēḍavendu ṣōḍaśōpacāradinda śrīguru bhaktiya tōri, satya sadācāra dharma nelegoḷḷabēkendu, sāhitya sambandhava koṭṭu, śrīguru upadēśava hēḷida mārgadi naḍeyalollade, nāyijātigaḷu kīḷujātigaḷu daivada jātrege hōgi, bennasiḍiyanērisikoṇḍu, aṅga liṅgakkeravāgi, tāḷi tagaḍi māḍi, manedaivavendu koraḷige kaṭṭikoṇḍu maraḷi uṇalikkilladirdaḍe, mārikoṇḍu timba kīḷujātige ēḷēḷujanmadalli kāge bāyali timba naraka tappadenda, kalidēvaradēva.