ವ್ರತಸ್ಥನರಿ[ದು] ವ್ರತಕ್ಕೆ ಗುರಿಯಹನಲ್ಲದೆ,
ಗುರುವ ಕಾಣ, ಲಿಂಗವ ಕಾಣ, ಜಂಗಮವ ಕಾಣ.
ಪಾದೋದಕ ಪ್ರಸಾದಕ್ಕೆ ಅವನಂದೇ ದೂರ.
ಸಾವಿರನೋಂಪಿಯ ನೋಂತು,
ಪಾರದ್ವಾರವ ಮಾಡಿದಂತಾಯಿತ್ತು, ಅವನ ವ್ರತ.
ಬಂದ ಜಂಗಮದ ಕಪ್ಪರ ಕಮಂಡಲ,
ತಮ್ಮ ಭಾಂಡ ಭಾಜನವ ಸೋಂಕಿಹವೆಂಬ
ಮುತ್ತಮುದಿಹೊಲೆಯನ ಮುಖವ ನೋಡಲಾಗದು.
ಅವನ ಮನೆಯಲುಂಡ ಜಂಗಮ,
ಮೂವಟ್ಟಲು ಈರಿಲು ಮೂರುದಿನ ಸತ್ತ ಹಂದಿಯ
ಕೂಳನುಂಡಂತೆ, ಕಲಿದೇವರದೇವಾ.
Transliteration Vratasthanari[du] vratakke guriyahanallade,
guruva kāṇa, liṅgava kāṇa, jaṅgamava kāṇa.
Pādōdaka prasādakke avanandē dūra.
Sāviranōmpiya nōntu,
pāradvārava māḍidantāyittu, avana vrata.
Banda jaṅgamada kappara kamaṇḍala,
tam'ma bhāṇḍa bhājanava sōṅkihavemba
muttamudiholeyana mukhava nōḍalāgadu.
Avana maneyaluṇḍa jaṅgama,
mūvaṭṭalu īrilu mūrudina satta handiya
kūḷanuṇḍante, kalidēvaradēvā.