ನಾನಾ ಮೂಲಿಕೆ ಪಾಷಾಣಂಗಳಲ್ಲಿ
ಪರುಷರಸಸಿದ್ಧಿಯಾದುದಿಲ್ಲವೆ?
ನಾನಾ ವರ್ತನ ಸ್ಥಲಕುಳಂಗಳನರಿದಲ್ಲಿ
ನಿಜವಸ್ತುವಿನ ನಿಜವನರಿತು ಪೂಜಿಸುವಲ್ಲಿ
ಕಟ್ಟುಗೊತ್ತಿಗೆ ಬಾರನೆ?
ಇದಕ್ಕೆ ದೃಷ್ಟಿ ನಿಮಿತ್ತ ಶಕುನಂಗಳು,
ತಿಥಿವಾರಗಳು, ನಕ್ಷತ್ರಗ್ರಹಬಲಂಗಳು
ನಂಬುಗೆಯಿಂದ ವಿಶ್ವಾಸದ ಬಲೋತ್ತರದಿಂದ
ಸಂಕಲ್ಪಸಿದ್ಧಿಯಾಯಿತ್ತು.
ಇದು ವಿಶ್ವಾಸ ಭೇದ, ಭಕ್ತಿಯ ಶ್ರದ್ಧೆ,
ಸದ್ಯೋಜಾತಲಿಂಗದ ಹೆಚ್ಚುಗೆಯ ಸಂಗ.
Transliteration Nānā mūlike pāṣāṇaṅgaḷalli
paruṣarasasid'dhiyādudillave?
Nānā vartana sthalakuḷaṅgaḷanaridalli
nijavastuvina nijavanaritu pūjisuvalli
kaṭṭugottige bārane?
Idakke dr̥ṣṭi nimitta śakunaṅgaḷu,
tithivāragaḷu, nakṣatragrahabalaṅgaḷu
nambugeyinda viśvāsada balōttaradinda
saṅkalpasid'dhiyāyittu.
Idu viśvāsa bhēda, bhaktiya śrad'dhe,
sadyōjātaliṅgada heccugeya saṅga.
