ಕಂಗಳ ಮುಂದೆ ಕಂಡಂತೆ ಕಾಣಬಹುದೆ?

ಕಂಗಳ ಮುಂದೆ ಕಂಡಂತೆ ಕಾಣಬಹುದೆ ಮನ ನೆನೆದಂತೆ ಆಡಬಹುದೆ? ಕಂಡಕಂಡವರಲ್ಲಿ ಸಂಗವ ಮಾಡಬಹುದೆ? ಅದು ಸ್ವಾನುಭಾವರಿಗೆ ಸಲ್ಲದ ಮತ. ಶಿವಪೂಜಕರಲ್ಲಿ ಶಿವಧ್ಯಾನಮೂರ್ತಿಗಳಲ್ಲಿ, ಶಿವಕಥಾಪ್ರಸಂಗಿಗಳಲ್ಲಿ, ಶಿವಾಧಿಕ್ಯವಲ್ಲದೆ ಪೆರತೊಂದನರಿಯದವರಲ್ಲಿ ತನು ಕರಗಿ, ಮನ ಸಲೆ ಸಂದು, ತ್ರಿವಿಧ ಪ್ರಸಾದದಲ್ಲಿ ಮಹಾಪ್ರಸಾದಿಯಾಗಿ ನಿಂದು ವ್ರತಾಂಗಕ್ಕೆ ಅಭಂಗ ಅವಿರಳನಾಗಿಪ್ಪ ಸದ್ಭಕ್ತನಂಗವೆ, ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗದ ಸುಖ.

Transliteration Kaṅgaḷa munde kaṇḍante kāṇabahude mana nenedante āḍabahude? Kaṇḍakaṇḍavaralli saṅgava māḍabahude? Adu svānubhāvarige sallada mata. Śivapūjakaralli śivadhyānamūrtigaḷalli, śivakathāprasaṅgigaḷalli, śivādhikyavallade peratondanariyadavaralli tanu karagi, mana sale sandu, trividha prasādadalli mahāprasādiyāgi nindu vratāṅgakke abhaṅga aviraḷanāgippa sadbhaktanaṅgave, ācārave prāṇavāda rāmēśvaraliṅgada sukha.

ಪ್ರತಿಕ್ರಿಯೆಗಳು / Comments