ಮನವಿದೊಮ್ಮೆ ಪ್ರಪಂಚದತ್ತ ಹರಿವುದು.
ಒಮ್ಮೆ ಪರಮಾರ್ಥದತ್ತ ತಿರುಗುವುದು.
ಒಂದ ಹಿಡಿಸಿ, ಒಂದ ಬಿಡಿಸುವುದು.
ಇಂತೀ ಸಂದೇಹವನಿಕ್ಕಿ ದಂದುಗಗೊಳಿಸಿ
ಮುಂದುಗೆಡಿಸಿ ಕಾಡುತ್ತಿದೆ.
ಈ ಮನದ ಮರುಳತನವ ಬಿಡಿಸಿ,
ನಿಮ್ಮ ಶ್ರೀಪಾದದಲ್ಲಿರಿಸೆನ್ನ
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Manavidom'me prapan̄cadatta harivudu.
Om'me paramārthadatta tiruguvudu.
Onda hiḍisi, onda biḍisuvudu.
Intī sandēhavanikki dandugagoḷisi
mundugeḍisi kāḍuttide.
Ī manada maruḷatanava biḍisi,
nim'ma śrīpādadallirisenna
nijaguru svatantrasid'dhaliṅgēśvara.
