ಶ್ರೀಗುರುಕರುಣ ಕಟಾಕ್ಷಮಾತ್ರದಿಂದ
ಶಿವಲಿಂಗದ ಒಲುಮೆ.
ಆ ಶಿವಲಿಂಗದ ಒಲುಮೆಗೆ ಗುರುಕರುಣವೇ ಮುಖ್ಯ.
ಅದು ಕಾರಣ, ಗುರುಪೂಜೆಯ ಮಾಡಿ,
ಗುರು ಕೃಪೆಯನೆ ಪಡೆದಿಹುದಯ್ಯ.
ಉಪಮಿಸಬಾರದ ಮಹಾದೇವನು,
ಪ್ರತ್ಯಕ್ಷವಾಗಿ, ಗುರುರೂಪಿಂದ ಇಹನೆಂದರಿದು,
ಗುರುಭಕ್ತಿಯನೆ ಮಾಡುವುದು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Śrīgurukaruṇa kaṭākṣamātradinda
śivaliṅgada olume.
Ā śivaliṅgada olumege gurukaruṇavē mukhya.
Adu kāraṇa, gurupūjeya māḍi,
guru kr̥peyane paḍedihudayya.
Upamisabārada mahādēvanu,
pratyakṣavāgi, gururūpinda ihanendaridu,
gurubhaktiyane māḍuvudu,
nijaguru svatantrasid'dhaliṅgēśvara.
