ಅಂಧಕನ ಮುಂದೆ ನೃತ್ಯ ಬಹುರೂಪವನಾಡಿದಡೇನು
ಕಂಡು ಪರಿಣಾಮಿಸಬಲ್ಲನೆ ಹೇಳ?
ಬಧಿರನ ಮುಂದೆ ಸಂಗೀತ ಸಾಹಿತ್ಯವನೋದಿದಡೇನು
ಕೇಳಿ ತಿಳಿದು ಪರಿಣಾಮಿಸಬಲ್ಲನೆ ಹೇಳ?
ಜ್ಞಾನಾನುಭಾವವಿಲ್ಲದವರು
ಏನನೋದಿ ಏನ ಕೇಳಿ ಏನು?
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನನರಿಯದವರ ಓದು ಕೇಳಿಕೆ,
ಬಧಿರಾಂಧಕರ ಕೇಳಿಕೆ ನೋಟದಂತಾಗಿತ್ತು.
Transliteration Andhakana munde nr̥tya bahurūpavanāḍidaḍēnu
kaṇḍu pariṇāmisaballane hēḷa?
Badhirana munde saṅgīta sāhityavanōdidaḍēnu
kēḷi tiḷidu pariṇāmisaballane hēḷa?
Jñānānubhāvavilladavaru
ēnanōdi ēna kēḷi ēnu?
Nijaguru svatantrasid'dhaliṅgēśvarananariyadavara ōdu kēḷike,
badhirāndhakara kēḷike nōṭadantāgittu.
