ಸುಜ್ಞಾನವೆಂಬ ಹಡಗನೇರಿದ ಗುರು
ತನ್ನನಾಶ್ರಯಿಸಿದ ಶಿಷ್ಯನ
ಸಂಸಾರವೆಂಬ ಮಹಾಪಾಪಸಮುದ್ರವ ದಾಂಟಿಸಿ, ತಡಿಗೆ ಸೇರಿಸಿ
ಮುಕ್ತಿಯೆಂಬ ಗ್ರಾಮಕ್ಕೆ ಎಯ್ದುವ
ಭಕ್ತಿಮಾರ್ಗವ ತೋರಿಸುವನಲ್ಲದೆ,
ಸುಜ್ಞಾನಿಯಲ್ಲದ ಗುರು, ತನ್ನನಾಶ್ರಯಿಸಿದ ಶಿಷ್ಯನ
ಸಂಸಾರ ಸಮುದ್ರದ ದಾಂಟಿಸಲರಿಯ.
ಅದೆಂತೆಂದಡೆ:
ಅರೆಗಲ್ಲು ಅರೆಗಲ್ಲ ನದಿಯ ದಾಂಟಿಸಲರಿಯದಂತೆ.
ಇದು ಕಾರಣ,
ಸುಜ್ಞಾನಗುರುವಿನ ಪಾದವ ಹಿಡಿದು
ಸಂಸಾರಸಮುದ್ರವ ದಾಂಟಿಸಬಲ್ಲಡಾತನೇ ಧನ್ಯನು ಕಾಣಾ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration (Vachana in Roman Script) Sujñānavemba haḍaganērida guru
tannanāśrayisida śiṣyana
sansāravemba mahāpāpasamudrava dāṇṭisi, taḍige sērisi
muktiyemba grāmakke eyduva
bhaktimārgava tōrisuvanallade,
sujñāniyallada guru, tannanāśrayisida śiṣyana
sansāra samudrada dāṇṭisalariya.
Adentendaḍe:
Aregallu aregalla nadiya dāṇṭisalariyadante.
Idu kāraṇa,
sujñānaguruvina pādava hiḍidu
sansārasamudrava dāṇṭisaballaḍātanē dhan'yanu kāṇā,
nijaguru svatantrasid'dhaliṅgēśvara.
Read More
