ತತ್ವ ಮೂವತ್ತಾರರಿಂದತ್ತತ್ತ ಪರಕ್ಕೆ ಪರವಾದ
ಗುರುವಿನ ಅಂಗ ತಾನೆ
ಸಕಲ ನಿಃಕಲರೂಪಾದ ಲಿಂಗವು.
ಅದು ತಾನೆ ಮತ್ತೆ ಸಕಲಾಂಗವೆನಿಸುವ ಜಂಗಮವು.
ಆ ಜಂಗಮವು ತಾನೆ ಗುರುವಿನ ನಿಃಕಲಾಂಗವು.
ಶ್ರೀಗುರುವಿನ ಕಳೆಯಿಂದ ಹುಟ್ಟಿದ
ನಿಜಸುಖವೇ ಪ್ರಸಾದಲಿಂಗವು.
ಇಂತು ಗುರು ಲಿಂಗ ಜಂಗಮವೆನಿಸುವ
ಶುದ್ಧ ಸಿದ್ಧ ಪ್ರಸಿದ್ಧ ಲಿಂಗಕಳೆಗಳಿಂದತಿಶಯವಾಗಿ ಬೆಳಗುವ
ಶರಣ ತಾನೇ ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನು.
Transliteration Tatva mūvattārarindattatta parakke paravāda
guruvina aṅga tāne
sakala niḥkalarūpāda liṅgavu.
Adu tāne matte sakalāṅgavenisuva jaṅgamavu.
Ā jaṅgamavu tāne guruvina niḥkalāṅgavu.
Śrīguruvina kaḷeyinda huṭṭida
nijasukhavē prasādaliṅgavu.
Intu guru liṅga jaṅgamavenisuva
śud'dha sid'dha prasid'dha liṅgakaḷegaḷindatiśayavāgi beḷaguva
śaraṇa tānē nijaguru svatantrasid'dhaliṅgēśvaranu.
