ಕಂಗಳ ಮುಂದಣ ಬೆಳಗ ಕಾಣದೆ,

ಕಂಗಳ ಮುಂದಣ ಬೆಳಗ ಕಾಣದೆ, ಕಂಡಕಂಡವರ ಹಿಂದೆ ಹರಿದು, ಇನ್ನು ಬೇರೆ ಕಂಡೆನೆಂಬ ಭಂಗಿತರ ನೋಡಾ? ತನ್ನಲ್ಲಿ ತಾ ಸುಯಿದಾನಿಯಾಗಿ ನೋಡಲರಿಯದೆ, ಭಿನ್ನಗಣ್ಣಿಲಿ ನೋಡಿಹೆನೆಂದು ತಮ್ಮ ಮರೆದು ಇನ್ನುಂಟೆಂದು ಅರಸುವ ಅಣ್ಣಗಳಿರಾ, ನೀವು ಕೇಳಿರೆ. ಮನವು ಮಹದಲ್ಲಿ ನಿಂದುದೆ ಲಿಂಗ: ಕರಣಂಗಳರತುದೆ ಕಂಗಳ ಮುಂದಣ ಬೆಳಗು. ಇದನರಿಯದೆ, ಮುಂದೆ ಘನವುಂಟೆಂದು ತೊಳಲಿ ಬಳಲಿ ಅರಸಿಹೆನೆಂದು ಅರೆಮರುಳಾಗಿ ಹೋದರಯ್ಯಾ ನಿಮ್ಮ ನೆಲೆಯನರಿಯದೆ ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣಾ.

Transliteration Kaṅgaḷa mundaṇa beḷaga kāṇade, kaṇḍakaṇḍavara hinde haridu, innu bēre kaṇḍenemba bhaṅgitara nōḍā? Tannalli tā suyidāniyāgi nōḍalariyade, bhinnagaṇṇili nōḍ'̔ihenendu tam'ma maredu innuṇṭendu arasuva aṇṇagaḷirā, nīvu kēḷire. Manavu mahadalli nindude liṅga: Karaṇaṅgaḷaratude kaṅgaḷa mundaṇa beḷagu. Idanariyade, munde ghanavuṇṭendu toḷali baḷali arasihenendu aremaruḷāgi hōdarayyā nim'ma neleyanariyade appaṇṇapriya cennabasavaṇṇā.

ಪ್ರತಿಕ್ರಿಯೆಗಳು / Comments