ಹೊನ್ನಿನಾಸೆ ತನುವಿನೊಳಿಂಬುಗೊಂಡು
ಪನ್ನಗಧರ ನಿಮ್ಮ ಮರೆಸಿತಯ್ಯ.
ಹೆಣ್ಣಿನ ವಿಷಯ ಮನದೊಳಿಂಬುಗೊಂಡು ಪನ್ನಗಧರ
ನಿಮ್ಮಿಂದರಿವ ಜ್ಞಾನವ ಮರೆಸಿತಯ್ಯ.
ಮಣ್ಣಿನಾಸೆ ತನು ಮನ ಬುದ್ಧಿಯೊಳಿಂಬುಗೊಂಡು
ಜ್ಞಾನದಿಂದರಿವ ಪುಣ್ಯಫಲವ ಮರೆಸಿತಯ್ಯ.
ಹೊನ್ನು ಹೆಣ್ಣು ಮಣ್ಣು ಮೂರೆಂಬ ಭಿನ್ನ ವಿಷಯವ ನೆಚ್ಚಿ.
ಸಂಸಾರಸಾಗರದೊಳು ಮುಳುಗಿದವರು ನಿಮ್ಮನೆತ್ತ ಬಲ್ಲರಯ್ಯ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Honnināse tanuvinoḷimbugoṇḍu
pannagadhara nim'ma maresitayya.
Heṇṇina viṣaya manadoḷimbugoṇḍu pannagadhara
nim'mindariva jñānava maresitayya.
Maṇṇināse tanu mana bud'dhiyoḷimbugoṇḍu
jñānadindariva puṇyaphalava maresitayya.
Honnu heṇṇu maṇṇu mūremba bhinna viṣayava necci.
Sansārasāgaradoḷu muḷugidavaru nim'manetta ballarayya
paramaguru paḍuviḍi sid'dhamallināthaprabhuve.
