ಗುರುವ ನರನೆಂದು ನುಡಿವ ಕುರಿಮಾನವರ
ನೆರೆಹೊರೆಯಲ್ಲಿರಲಾಗದು.
ದೊರೆಸಂಗವಾದರೂ ನುಡಿಸಲಾಗದು.
ನುಡಿಸಿದರೆ ಮಹಾನರಕವಯ್ಯಾ!
ಗುರುವೆ ಪರಶಿವನು, ಗುರುವೆ ಪರಬ್ರಹ್ಮ,
ಗುರುವು ಹರನಿಂದಲಧಿಕ.
ಗುರುವಿನಿಂದ ಹರನ ಕಾಣ್ಬರಲ್ಲದೆ,
ಹರನಿಂದ ಗುರುವ ಕಾಣಬಾರದು.
ಅದು ಎಂತೆಂದರೆ:
ಮರ್ತ್ಯಲೋಕಕ್ಕೆನ್ನ ಮಾನವಶರೀರಿಯ ಮಾಡಿ ಕಳುಹಿ,
ಎನ್ನ ಮಾನವಜನ್ಮದ ಬಂಧನ ಕಳೆದು,
ಗುರುವಾಗಿ ಬಂದು ಮುಕ್ತಿಯ ತೋರಿಸಿ
ಕೈಲಾಸಕೆನ್ನ ಯೋಗ್ಯನ ಮಾಡಿದ.
ಇಹದಲ್ಲಿ ಪುಣ್ಯ, ಪರದಲ್ಲಿ ಮುಕ್ತಿಯೆಂಬ ಇವನೆರಡು
ಗುರುಪಾದದಲ್ಲಿಯೆ ಕಂಡೆನಯ್ಯಾ,
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Guruva naranendu nuḍiva kurimānavara
nerehoreyalliralāgadu.
Doresaṅgavādarū nuḍisalāgadu.
Nuḍisidare mahānarakavayyā!
Guruve paraśivanu, guruve parabrahma,
guruvu haranindaladhika.
Guruvininda harana kāṇbarallade,
haraninda guruva kāṇabāradu.
Adu entendare:
Martyalōkakkenna mānavaśarīriya māḍi kaḷuhi,
enna mānavajanmada bandhana kaḷedu,
guruvāgi bandu muktiya tōrisi
kailāsakenna yōgyana māḍida.
Ihadalli puṇya, paradalli muktiyemba ivaneraḍu
gurupādadalliye kaṇḍenayyā,
paramaguru paḍuviḍi sid'dhamallināthaprabhuve.
