ಗುರುವೆ ಪರಶಿವನು
ಪರಶಿವನೇ ಶರಣಭರಿತನಾಗಿ ಎಮ್ಮ ಶರಣರೇ ಗುರು.
ಒಂದು ದೀಕ್ಷೆಯಲ್ಲಿ ಗುರುವೆಂದಡೆ,
ನಿಮಗೆಲ್ಲಕೆ ಕರ್ತನಹ ವಿಷ್ಣು ಎಮ್ಮ ಶರಣ
ಉಪಮನ್ಯುವಿನ ಕೈಯಲ್ಲಿ
ದೀಕ್ಷೆಯ ಪಡೆದು ಶಿಷ್ಯನಾದನು,
ಅಂತಾಗೆ ಎಮ್ಮ ಶರಣರೆ ಗುರು.
'ಲಿಂಗಿನಾ ಸಹ ವರ್ತಿತ್ವಂ ಲಿಂಗಿನಾ ಸಹ ವಾದಿತಾ|
ಲಿಂಗಿನಾ ಸಹ ಚಿಂತಾ ಚ ಲಿಂಗಯೋಗೋ ನ ಸಂಶಯಃ'||
ಲಿಂಗಾಂಗಿನಾ ಚ ಸಂಗಶ್ಶ ಲಿಂಗಿನಾ ಸಹವಾಸಿತಾ|
ಲಿಂಗೇನ ಸಹ ಭುಕ್ತಿಶ್ಯ ಲಿಂಗಯೋಗೋ ನ ಸಂಶಯಃ||
ಒಂದು ದೀಕ್ಷೆಯಲ್ಲಿ ಗುರುವೆ ನೀವು?
ನಿಮಗೆ ಕರ್ತರಹ ವಿಷ್ಣು ಬ್ರಹ್ಮ ಮೊದಲಾದವರನು
ನಮ್ಮ ಶರಣರೆ ಶಿಕ್ಷಿಸಿಕೊಳ್ಳುತಿಹರಾಗಿ
ನಮ್ಮ ಶರಣರೇ ಗುರು ಕಾಣಿರೋ ಸ್ವಾನುಭಾವದಲ್ಲಿ.
ಗುರುವೆ ದೇವ ದಾನವ ಮಾನವರೆಲ್ಲರೂ?
ಪರಸ್ತ್ರೀಯರಿಗೆ ಅಳಪುವುದು ಹಿರಿದು ಗುರುತ್ವವೇ? ಅಲ್ಲ.
ಪರಧನ ಅನ್ಯದೈವ ಉಭಯವಿಜ್ಞಾನ ಅಜ್ಞಾನ,
ದ್ವಂದ್ವಕ್ರಿಯಾ ವರ್ತಿಸುತ್ತಿಹರಾಗಿ.
ಅದು ಕಾರಣ, ಸರ್ವರೂ ಲಘುವಾದರು
ಅನುಭಾವಸಿದ್ಧಿಯಾದ ನಿಮ್ಮ ಶರಣರೇ ಗುರು.
ಶಿವತನು ಲಿಂಗಪ್ರಾಣವಾದ ಬಳಿಕ
ಉತ್ಪತ್ತಿಸ್ಥಿತಿಲಯವೆಂದು ಧ್ಯಾನಿಸುವೆ ಚಿಂತಿಸುವೆ ಅಂಜುವೆ ಮನವೇ
ನೀನೊಂದು ಕ್ರಿಯಾಕರ್ಮ ಉಪಾಧಿಯಿಂದ.
ಈ ತ್ರಿವಿಧಕ್ಕೆ ತತ್ಕ್ರಿಯಾಕರ್ಮ ಉಪಾಧಿಯಿಂದ
ಈ ತ್ರಿವಿಧಕ್ಕೆ ತತ್ಕ್ರಿಯಾಕರ್ಮವ ಮಾಡಿ
ಸಂಸಾರವ ಗೆಲಿವೆನೆಂಬೆ ಮನವೆ, ಇದು ಜ್ಞಾನವಲ್ಲ.
ನಿರುಪಾಧಿಕನಾಗಿ ಮಹಾಲಿಂಗ ಕರುಣಿ
ಶ್ರೀಗುರುವಾದ ಲಿಂಗವಾದ ಜಂಗಮವಾದ ಪ್ರಸಾದವಾದ
ಲಿಂಗತನುವಾದ ಲಿಂಗಪ್ರಾಣವಾದ ಲಿಂಗಕ್ರೀಯಾದ.
ಸರ್ವಕ್ರಿಯಾ ಕರ್ಮಂಗಳು ಲಿಂಗಕ್ರಿಯಾಕರ್ಮ,
ಉತ್ಪತ್ತಿಸ್ಥಿತಿಲಯವೆಂಬುದಿಲ್ಲ ಸರ್ವವೂ ಲಿಂಗಸ್ಥಿತಿ,
ದುಶ್ಚಿಂತೆಯ ಬಿಡು ನಿರುಪಾಧಿಕನಾಗು.
ಗುರುಕರುಣಿಸಿದ ಲಿಂಗಕ್ಕೆ ನೀನು ಉಪಾಧಿಕ ಕ್ರೀಯ ಮಾಡದೆ
ಸುಚಿತ್ತದಿಂದ ಮಹಾಲಿಂಗವನು ಧ್ಯಾನಿಸಿ ಪೂಜಿಸಿ ಚಿಂತಿಸಿ
ಅಲ್ಲಿಯೇ ಸುಖಿಯಾಗು
ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರ ರಕ್ಷಿಸುವನು.
Transliteration Guruve paraśivanu
paraśivanē śaraṇabharitanāgi em'ma śaraṇarē guru.
Ondu dīkṣeyalli guruvendaḍe,
nimagellake kartanaha viṣṇu em'ma śaraṇa
upaman'yuvina kaiyalli
dīkṣeya paḍedu śiṣyanādanu,
antāge em'ma śaraṇare guru.'Liṅginā saha vartitvaṁ liṅginā saha vāditā|
liṅginā saha cintā ca liṅgayōgō na sanśayaḥ'||
liṅgāṅginā ca saṅgaśśa liṅginā sahavāsitā|
liṅgēna saha bhuktiśya liṅgayōgō na sanśayaḥ||
ondu dīkṣeyalli guruve nīvu?
Nimage kartaraha viṣṇu brahma modalādavaranu
nam'ma śaraṇare śikṣisikoḷḷutiharāgi
nam'ma śaraṇarē guru kāṇirō svānubhāvadalli.
Guruve dēva dānava mānavarellarū?
Parastrīyarige aḷapuvudu hiridu gurutvavē? Alla.
Paradhana an'yadaiva ubhayavijñāna ajñāna,
dvandvakriyā vartisuttiharāgi.
Adu kāraṇa, sarvarū laghuvādaru
anubhāvasid'dhiyāda nim'ma śaraṇarē guru.
Śivatanu liṅgaprāṇavāda baḷika
utpattisthitilayavendu dhyānisuve cintisuve an̄juve manavē
Nīnondu kriyākarma upādhiyinda.
Ī trividhakke tatkriyākarma upādhiyinda
ī trividhakke tatkriyākarmava māḍi
sansārava gelivenembe manave, idu jñānavalla.
Nirupādhikanāgi mahāliṅga karuṇi
śrīguruvāda liṅgavāda jaṅgamavāda prasādavāda
liṅgatanuvāda liṅgaprāṇavāda liṅgakrīyāda.
Sarvakriyā karmaṅgaḷu liṅgakriyākarma,
utpattisthitilayavembudilla sarvavū liṅgasthiti,
duścinteya biḍu nirupādhikanāgu.Gurukaruṇisida liṅgakke nīnu upādhika krīya māḍade
sucittadinda mahāliṅgavanu dhyānisi pūjisi cintisi
alliyē sukhiyāgu
uriliṅgapeddipriya viśvēśvara rakṣisuvanu.
