ಸರ್ಪನ ಬಾಯಲ್ಲಿ ಚಂದ್ರಸೂರ್ಯರುತ್ಪತ್ಯವಾಗಿ
ಮಹಾಮೇರುವ ತಿರುಗುವರು.
ಆ ಸರ್ಪಂಗೆಯೂ ಚಂದ್ರಸೂರ್ಯರಿಗೂ
ಅನೇಕ ಕಾಲ ಹಗೆಗಳಾಗಿಹವು.
ಆ ಸರ್ಪನು ಚಂದ್ರಸೂರ್ಯರ ಸಂಧಿಸಿ ಹಿಡಿಯಿತ್ತು ನೋಡಾ.
ಈ ಭೇದವನರಿದ ಶರಣನು
ಉದಯಾಸ್ತಮಾನವೆಂದರಿದ ಶಿವಯೋಗಿ ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Sarpana bāyalli candrasūryarutpatyavāgi
mahāmēruva tiruguvaru.
Ā sarpaṅgeyū candrasūryarigū
anēka kāla hagegaḷāgihavu.
Ā sarpanu candrasūryara sandhisi hiḍiyittu nōḍā.
Ī bhēdavanarida śaraṇanu
udayāstamānavendarida śivayōgi nōḍā
apramāṇakūḍalasaṅgamadēvā.
