ಅನಾದಿ ಗಣೇಶ್ವರನ ನೆನಹುಮಾತ್ರದಲ್ಲಿ
ಮೂರು ಹುಲಿ ಹುಟ್ಟಿತ್ತು ನೋಡಾ.
ಒಂದು ಹುಲಿಗೆ ಆರುಮುಖ
ಒಂದು ಹುಲಿಗೆ ನಾಲ್ಕು ಮುಖ
ಎರಡು ಹುಲಿಯು ನೆಗೆದಾಡುತ್ತಿಹುದು ನೋಡಾ,
ಆ ಎರಡು ಹುಲಿಯು ನೆಗೆದಾಡುವುದ ಕಂಡು
ಆ ನಾಲ್ಕುಮುಖದ ಹುಲಿ ಆ ಎರಡು ಹುಲಿಯನು
ನುಂಗಿ ನುಂಗಿ ಉಗುಳಿತ್ತು ನೋಡಾ.
ಆ ಆರುಮುಖದ ಹುಲಿಗಳೆರಡು ಕೂಡಿ
ಆ ನಾಲ್ಕು ಮುಖದ ಹುಲಿಯ ನುಂಗಿ ಉಗುಳಿತ್ತು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Anādi gaṇēśvarana nenahumātradalli
mūru huli huṭṭittu nōḍā.
Ondu hulige ārumukha
ondu hulige nālku mukha
eraḍu huliyu negedāḍuttihudu nōḍā,
ā eraḍu huliyu negedāḍuvuda kaṇḍu
ā nālkumukhada huli ā eraḍu huliyanu
nuṅgi nuṅgi uguḷittu nōḍā.
Ā ārumukhada huligaḷeraḍu kūḍi
ā nālku mukhada huliya nuṅgi uguḷittu nōḍā
apramāṇakūḍalasaṅgamadēvā.
