ತನುವ್ಯಸನವೆತ್ತಿದಲ್ಲಿ ತರಣಿಕೋಟಿತೇಜಪ್ರಕಾಶನ ನೆನೆವೆನು.
ಮನವ್ಯಸನವೆತ್ತಿದಲ್ಲಿ ಮನೋಮೂರ್ತಿಯ ನೆನೆವೆನು.
ಧನವ್ಯಸನವೆತ್ತಿದಲ್ಲಿ ದಯಾಕರುಣಕೃಪಾಲನ ನೆನೆವೆನು.
ರಾಜ್ಯವ್ಯಸನವೆತ್ತಿದಲ್ಲಿ ವಿಷಕಂಠನ ನೆನೆವೆನು.
[ಉತ್ಸಾಹ ವ್ಯಸನವೆತ್ತಿದಲ್ಲಿ ರಜತಗಿರಿನಿವಾಸನ ನೆನೆವೆನು.
ವಿಶ್ವಾಸವ್ಯಸನವೆತ್ತಿದಲ್ಲಿ ಉರ್ವೀಪಾಲನ ನೆನೆವೆನು.]
ಸೇವಕವ್ಯಸನವೆತ್ತಿದಲ್ಲಿ ಶರಣಗಣರಕ್ಷಾಮಣಿಯ ನೆನೆವೆನು.
ಇಂತೀ ಸಪ್ತವ್ಯಸನಂಗಳ ಮುಖದಲ್ಲಿ ತರಣಿಕೋಟಿಪ್ರಕಾಶ,
ಮನೋಮೂರ್ತಿ, ದಯಾಕರುಣಕೃಪಾಲ,
ರಜತಗಿರಿನಿವಾಸ, ಉರ್ವೀಪಾಲ, ವಿಷಕಂಠ,
ಶರಣಗಣರಕ್ಷಾಮಣಿ ಶಿವಾಯ ಪರಾಯ ಭವಾಯಯೆಂದು
ಭವಸಾಗರವ ದಾಂಟಿ ನಿತ್ಯನಾಗಿರ್ದೆ ಕಾಣಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Tanuvyasanavettidalli taraṇikōṭitējaprakāśana nenevenu.
Manavyasanavettidalli manōmūrtiya nenevenu.
Dhanavyasanavettidalli dayākaruṇakr̥pālana nenevenu.
Rājyavyasanavettidalli viṣakaṇṭhana nenevenu.
[Utsāha vyasanavettidalli rajatagirinivāsana nenevenu.
Viśvāsavyasanavettidalli urvīpālana nenevenu.]
Sēvakavyasanavettidalli śaraṇagaṇarakṣāmaṇiya nenevenu.
Intī saptavyasanaṅgaḷa mukhadalli taraṇikōṭiprakāśa,
Manōmūrti, dayākaruṇakr̥pāla,
rajatagirinivāsa, urvīpāla, viṣakaṇṭha,
śaraṇagaṇarakṣāmaṇi śivāya parāya bhavāyayendu
bhavasāgarava dāṇṭi nityanāgirde kāṇā
paramaguru paḍuviḍi sid'dhamallināthaprabhuve.
