ಮೊಲನ ಕಂಡರೆ ಶ್ವಾನಂಗಳು ತುಡುಕುವಂತೆ.
ಹೊನ್ನು ಹೆಣ್ಣು ಮಣ್ಣು ಮೂರೆಂಬ ಮೊಲಕ್ಕೆ
ಪಂಚೇಂದ್ರಿಯಂಗಳೆಂಬ ಬೇಟೆಯ ನಾಯಿಗಳು
ತೊಡರುತ ಎನ್ನ ಬಿಡು ತನ್ನ ಬಿಡು ಎನ್ನುತ್ತಲಿವೆ.
ನೊಂದೆನಿವರ ದಾಳಿಯಲ್ಲಿ, ಬೆಂದೆನಿವರ ದಾಳಿಯಲ್ಲಿ.
ನೊಂದು ಬೆಂದು ಕುಂದಿ ಕುಸಿವನ `ಕಂದ ಬಾ' ಎಂದು
ಎನ್ನ ತಲೆದಡಹೊ ಭವವಿರಹಿತ ತಂದೆ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Molana kaṇḍare śvānaṅgaḷu tuḍukuvante.
Honnu heṇṇu maṇṇu mūremba molakke
pan̄cēndriyaṅgaḷemba bēṭeya nāyigaḷu
toḍaruta enna biḍu tanna biḍu ennuttalive.
Nondenivara dāḷiyalli, bendenivara dāḷiyalli.
Nondu bendu kundi kusivana `kanda bā' endu
enna taledaḍaho bhavavirahita tande
paramaguru paḍuviḍi sid'dhamallināthaprabhuve.
